الاثنين، ٣١ أغسطس ٢٠٠٩

قرقيعان و قرقيعان

السلام عليكم




محدثتكم بربلوشه تحييكم و تقدم لكم مسابقة القرقيعان



المسابقة عبارة عن احلى صورة قرقيعان


كل احد يبى يشترك يصور قرقيعانه او قرقيعان الى بيشترك عنه


صورة وحدة بس


ويدزها ايميل اما لى او لكظماوي او حق فاتو


واخر موعد لارسال الصور يوم الجمعة القادم ان شاءالله


وبعدين نسوى تصويت حق المشتركين منو احسن صورة


والى يفوز نسميه ملك القرقيعان


او ملكة القرقيعان


ونسوى لها بنر ونحطه بكل البلوقات المشتركة لنهاية رمضان


هذا شرط حق كل مشترك معانا


هذه فكرة كظماوي... انا مالي شغل


لووووووووووووول




هناك ٢١ تعليقًا:

Purplecious يقول...

كظماوي اشكره البوست كوبي و بيست ايميلك امس


لووووووووووووووووووووول

جبريت يقول...

مو جنه تو الناس على القرقيعان؟؟؟؟

ما عليه خل يسوون القرقيعان اصوره

nanonano يقول...

ما عندي قرقيعان :((((((

ما يصير

رورو الشخبوطه يقول...

السلام ..

احنا هالسنه كنا ناويين نسوي بس الله ماكتب :(

بس خوش مسابقة ماشاءالله..

مشكورين..

fatto يقول...

شل نيولوك العجييب .. انت الظاهر امبين ودك تقرقع .. لاتخلي بخاطرك شي .. لف دشداشتك على خصرك ..ويلا البسلك وزار .. وذا نماعندك الله ماكثرهم عند ابوي .. اعطيك منهم .. وعطها جريمبه ومسكلك الدنبك وغررررد لوووووووول

وذا مستحي ترى صبا جاهزه ودراعتها الحمره المقصمله هم جاهزه .. وذا يمعتو فلوس لاتنسى اختك وصديقتك الصدوقه فاتوو .. تدري احب اقرقع ويمعلي جم بيزه خن الايام السوده لووووول بس خبرك هالسنه ماقدر انشاءالله السنه اليايه .

والاتنسى متفائل بالبيزات خبرك يمووت عل الفلس لووووول اخاف يسويلنه سالفه .. خل يروح معاكم احسن :)

موفقين بالتقرقع :)

صبا يقول...

من الحين اقعد افلل الصور وبشوف
حظي يمكن افووووووز


بيربل.........


بخلي بوراشد يشااارك

؛)

mtfa2el يقول...

قرقيعان و قرقيعان بيت قصير و رميضان عادت عليكم صيام كل سنة و كل عام
الله يخلي كظماوي الله يخليه لأمه عسى البقعة ما تخمه ولا ما ادري شنو عاد نسيت
اييه على قولة أبلة عطيات زكرتمونا بالزي مزى يا ولد انت وياه شلونكم شخباركم .. عاد الحين القرقيعان شغل عدل و زقرتي و صور يهال و حركات الله يغربل ابليس هالعالم حتى الشغلات القديمة البسيطة لازم يعفسونها و يدونها بهرجة و فشخرة ، المهم جيف الحال ..
بعدين فاتو طايحة فيني حش حنجي انعوى من البدليات الله يخليج حطيلج مدقق لغوي قبل لا تحطين التعليق
لوووووول

joe يقول...

انا لازم افوووز
ولازم اثبت لكم اني اقوى مقرقع بالبلوقات

اقول كظماوي الحين بندلعك بالقرقيعان اكل لما تقول بس
وخش حق اخوك الي اهوه انا شوي

انا بدز لكم الصوره حق 3 عشان اضمن ;p

joe يقول...

هااا لاتساحلون كظمااوي
كظماوي لاتعطي واسطات

aL-NooR . يقول...

بشروا بالصور السنعة
و بيربل ..ابي واسطة عفية




عاد لازم تقرقع ؟

*******************

Fishah يقول...

انا بس بتاااابعكم

ماعندنا قرقيعان هالسنه :(

kazmawy يقول...

بربليوووشة تسلم ايدج
صج لى قالوا الحياة فى البلوق من غيرك سلطة :)
لووووووووووووووووول

kazmawy يقول...

عنيف تو الناس صح بس تدرى لازم الاعلان يتم مبجر:)
المهم شارك معانا يامعود لا تخلى

kazmawy يقول...

ناناننو..هلا فيج
يبا اشتركى بقرقيعان اختج او بنات اخوج او بنت خالتج او جيرانكم او لو تروحين الجمعية وتصورين قرقيعان الصيداوى عادى :)
لووووووول

kazmawy يقول...

رورو شدععوة يعنى هذا وانت الشخبوطة ما تسوين قرقيعان افا بس :)

kazmawy يقول...

فاتو هلا وغلا هلا براعية المسابقة خوش دعاية عند فيونكات مدونة سوق الحريم مالتكم:)
يلا همتج عاد نبى الضمير فى التحكيم واهم شى الضمييييررر:)
لوووووووووووووووول

kazmawy يقول...

صبا هلا وغلا هلا بالزين كله نبى مشاركتج لا زم عاد وان شاء الله اضبطل جل جنة التحكيم
لووووووووووووووول
عينك عينك
لوووووووول

kazmawy يقول...

هلا بمتفائل هلا بالصديق الصدوق حبيبى انت جهز طبلك والا قوطى الني\و مثل ما قلت لك ولا تحاتى ابى صوتك يلعلع اعرفكم عيال الشامية
كااااااااااااك

kazmawy يقول...

المباركية منور يالغالى اى افا عليك انت دز صورك وابشر بالخير افا عليك بس :)

kazmawy يقول...

النووور ترى اهم شى عندنا ضمير التحكيم وتحكيم الضمير ماكو غش ولا تقلقس حق الحكام ماعندنا هالسوالف :99

kazmawy يقول...

فيشة يا فيششة ليش ماعندكم قرقيعان
انزين قرقيعان اى وحدة من ربعج صوريه ودزيه
بعد الوطنية مسوين خصم على الام ام اس بخمسن فلس
لووووووووووووووووووول