هل يطلع زوجك او زوجتك على مدونتك ؟؟

قوة يالغاليين

شلونكم

طبعا المدونين

اما متزوجين

واما عزابية

شباب وبنات

اذا كنت مدون متزوج او متزوجة

هل يعلم الطرف الثانى بمدونتك

يتابعها ويشارك فيها ويعلق عليها

ام انك تخفى عليه وجود المدونة وتعتبرها من خصوصياتك

الشى الثانى

لو كنت اعزب او عازبة

ثم جاكم النصيب والحمدلله

هل تعتقد من الحكمة ان يطلع زوجك او زوجتك على المدونة ببلاويها السابقة

سوالفك المليقة

وتعليقات المدونين الدايخة

وهواشك مع الناس

ومرة بجيتى ومرة ضايق خلقج

ومرة تهاوشتى مع صديقتج الصدوقة

ومرة تعليقات وضحك شباب مع المدونات الصديقات

لووووووووووووووول

الزبدة الموضوع واضح

والى له خلق يجاوب

والى ماله خلق

هم يجاوب

وانا فى انتظار اجاباتكم

سلام

ملاحظة توجد علاقة كبيرة جدا بين صورة الديك والدجاج وهذا الموضوع

New Look

New Look

New Look

New Look


و أخيــــــــــــــــرا


يسرني دعوتكم اعزائي البلوقرز الكرام أنا بربلوووووشه بنت بربلووووش

على حفل اعاده افتتاح مدونة زملينا العزيز كظماوي و اللي ما بغينا نفتك

من اللون الكحلي القاموتي و استبدلناه بالبرتقالي عشان هو كظماوي

:)))))


و يشرفني انه دعاني للمشاركة وياه بالحفيز


(بيني و بينكم هو ما دعاني انا اللي نوعا ما رزيت ويهي و تدبست شكلي )

لووووووووووووووووووووووووووول


هذا أول بوست أكتبه .. و ان شاءالله مو آخر بوست ( ما أظن ) ههههههههههههه

شرايكم؟؟ مو أحلى من الكحلي؟؟

pP:

انبطت جبدى

تحديث

اشكر صاحبة الانامل الذهبية واللؤلؤة البنفسجية

على ترميم المدونة وتجديدها

كتبت بوست شطوله وبعدين لما قلت حق الكمبيوتر انشر

مانشر

ليششششش

يااحمااا......

انت كمبيوتر شعلمك النحاسة يا خ...رووووف

يا ابن الت...كنزلزجيا

يا الى بدون..وايرات

احساسك عبيط يا ك...مبيوتر الزا...كلويوشن

شسوى الحين ودى اطق احد والا ازف احد

علمونى شسسسسوى

هونت مانى كاتب شى

اذا تعدل مزاجى او مصر فازت بكاس القارات او حلوا المجلس

يمكن ارد اكتب لكم

سلامى واشواقى للكل

بناتا وشبابا

وخاصة متفائل المتفائل

وولهان حدى على عتووووج

تكفون الى يعرفها

يصكها على ويهها

بكلمة حلوة مو بشى ثانى ويقولها الكظماوى

عيز وهو يحن يسال عنج

يالجاسية

يا الهتلرية الطباع

لووووووووووول

احتمال فى مشروع سفرة قريبة

الله اعلم

يمكن أى ويمكن لا

للحين ماحددت اجازتى متى اخذهااا

ملاااقة دوام الصيفففف

غبار وحر وعرق

والتكييف ساعات يصير بارد وساعات يصير حااار

ونشوفكم على خير

مشتاق لكم جميييعا

ملاحظة

صج كويت وفاتو مختفين شسالفتهم

خير اللهم اجعله خيرررر

وشكرا لاول من يعلق

المربربة

لوووووووووووووووووول

جنه العنوان يزعل بعض ناس

لوووووووووووووول

تري ماله اي معاني سياسية ولا اقتصادية

شعر دزه لي واحد بالليل

لوووووووووووووووووول

متفائل مو تفضح روحك

ولاني اوافق الشاعر فيما قال

حبيت احط لكم هذا الشعر

ولا تقولولي الضعيفة والرجيم ،الخرابيط هذه ما تمشي عندي

الضعيفة عصلة ومصوفرة ولي قلت لها ها تكسرت وابتلشت فيها

ومثل ما يقول المثل

حلاة الشي راهي

لوووووووووووووووووووووووووول

يقول الشاعر لا فض حلجه

للزين قالوا من قديمٍ علامات عينٍ ومبسم والجسم والرشاقه

لكن كسر هالقاعده هالمتينات من واقعٍ ما هو كلام وبلاغه

اللي محليهن ولو هن ثقيلات دايم خفاف الدم وفيهن لباقه

الله يا هن يا جماعه لطيفات وعن الكلام الحلو فيهن طلاقه

ما هو ضروري بالرشاقه رشيقات وزود الوزن ما هو بيعني اعاقه

صحيح بعض اللبس يعني اهانات الوزن بالضيق عديم العلاقه

بس مو ضروري يبلسن استرتشات يا زينهن واللبس واسع نطاقه

لا بارك الله فيك يا الضيق بالذات ترى السعه مرات تعطي اناقه

قابلهن الله بلا رجيم ورياضات بأهدي لهن مني من الورد باقه

هن دفء هذا المجتمع هن رقيقات هن ملح هن سكر لذيذٍ مذاقه

صح لسانك

شنو رايكم بالنتايج ؟؟

قوة كلكم شلونكم

افتكينا من لوية الانتخابات والمسجات والهوشات

باختصار

هل فاز من صوتوا له ؟

شنو رايكم بالنتايج ؟

وشنو توقعاتكم للمجلس ؟؟

هذي اسيل الى خابينا فيها..؟؟

قوة كلكم شلونكم

بعد الفيديو وردها على الفيديو ومسابقتها للشكوى على المدونات

وعلى حرية النشر التى تدعى انها تدافع عنها

هذة اسيل الى تقولون عنها

تكلمت عن الحجاب بكلام غير لائق

ما احترمت امهات المؤمنين واصحاب النبى الكريم

ليش مالقت شى تنقده الا مسائل دينية وشرعية

الاخت صارت مفتية اخر عمرها

وتبى تفسر القران الكريم

يعنى النقد والفلسفة ما تصير الا بهالاسلوب السخيف

ومثل ماقالوا بعض الناس

لو انها قالت عن الشيوخ والا احد من الاسرة الحاكمة كلمة هذولا

احد دافع عنها

لا حول ولا قوة الا بالله

اذا هذة اولها ينعاف تاليها

والله كنت مو ناوى اكلم خواتى عنها

لا اقولهم لا تصوتون لها ولاشى

لكن الحين وعقب ما سمعت الشريط بنفسى

حريمها حرف واحد من عايلتنا ان شاء الله ما تطول

..ناجى عبد الهادى والروضان يكفون ويوفون

والى يبى يزيد السعدون والعمير او الصرعاوى

نشوفكم على خير

والى بيروح الممشى او بتروح خل تعلمنى

ترى مواعيدى مزحومة

لووووووووووووول

ومتفائل لا تحرش فينى كافى عليك فاتو ملكة بدليات المدونات

رايحة الممشي بتنورة ....؟؟؟

قوة كلكم شلونكم

مرة قلت لكم اني ايام الجامعة

كنت اقيس اخلاق البنات بحسب لبسهم

يعني صاحبة اللباس المحترم انسانة محترمة

وصاحبة اللباس الاخر غير محترمة

لما تزوجوا اخواني الي اكبر مني

ولما اشتغلت

ولما كملت دراستي العليا

تغيرت النظرة عندي

اللباس المحترم شي واجب وطيب للبنت

لكنه للاسف لا يدل بالضرورة علي اخلاقها

واللباس غير المحتشم يسيئ للبنت

لكنه كذلك لا يدل علي اخلاقها

يعني شفت والتقيت وتعاملت مع بنات سفور لكن اخلاقهم تسوي بلد

وشفت والتقيت وتعاملت مع بنات مسترات لكن اخلاقهم ولا ببيزة

اوكي خلصنا من هذة .... تعالوا حق الي وراها

انا احب المشي

وايد اروح الممشي

واحب انوع اكثر من مكان

اتمشي بالسرة قبل لا ينترس ويصير زحمة ويمعة مجعرة

وتمشيت بمشرف والعديلية وعلي البحر وبقرطبة

قبل اسبوع كنت باحد هالممشيات

والا جدامي وحدة تتمشي وتتزنقح

.....

لكن الي استغربت منه

انها لابسة تنورة

يعني الممشي معروف انه ما تصلح له تنورة

علي الاقل لو لابسة شي تحت التنورة يغطي جسمها اوكي

ليجنز

هيلا هوب

مكسر اخوها اي شي

لكن الاخت ماخذة راحتها

عادي قلنا بالطقاق ليش ندقق

ليش ما يدور الهوا وكان الجو كوس والهوا شرجي

التنورة وصلت رقبتها زين ما خنقتها

انزين يالثولة ما تدرين ان الممشي ما يصلح له تنورة؟؟

يوم انج ابتليتي ولبستيها ما عرفت تغطين كراعينج يالصخلة..؟؟

تقولون همها شي والا استحت والا نزلتها

عااااادي

كملت مشيها ولا كان حاجة صارت

انا كنت بروحي لكن الدم طبخ براسي جان اسرع واسبقها

...

يعني شقول اذا البنت ما تربت بالبيت منو يربيها الشارع ؟؟

لا حول ولا قوة الا بالله والله يستر علينا وعلي بنات المسلمين

نتيجة الاستبيان الاخير

تحديث

تحديث ثانى

تحديث ثالث

مو تقولون ما قلت

علشان عيون الغالية كويت

الليلة اليمعة عندى بالبلوق

يرجى عدم اصطحاب الاطفال والنفيش

وشكرا

وتم تغيير وظيفة يو تيرن من مسؤولة المواقف

الى

كاشيرتذاكر الدخول بناء على رغبتها

لووووووووووول

قوة يالحلوين

شلونكم

الاستبيان الاخير ليش يعتزل المدونون الكتابة

تنوعت اجاباتكم

بس اكثر الاجابات قالت

انهم يملون من نجرة المدونين وانهم يتزوجون ويلهون

وانهم يحوشهم احباط وانهم يلهون بالدراسة

طبعا فى اجابات اخرى مثل الى قالوا بطونهم تعورهم لوووووووووووول

وجهازهم يبيله فورمات ويسوون عمليات تجميل لوووووووووووووووول شكو ))**

انا ساعات امل من المدونات والانترنت وتذكرون مدونتى الاولى

مو بس سكرتها لا سكرتها وحذفتها من الانترنت خير شر

وبعدين قررت ارجع فالظاهر ان هذا الشى يمرون فيه كثير من عيال الانترنت فى زمننا

انا ساعات احس جنه فى علاقة بينى وبين الى اشارك فى مدوناتهم

ويشاركونى فى مدونتي

نتعود على بعض ونفقد بعض صح والا انا غلطان

الصراحة شى غريب شلون نتواصل بالانترنت شهور وسنين

ونتفاهم ونصير ربع ومع هذا ما نشوف بعض ولا نسمع بعض

ولا نكلم بعض والى لاحظته

ان التعارف والتواصل فى الانترنت وايد سهل

لانه مافيه شكليات ولا ضغوط ولا احراجات

ويكفى انك تجهل من تكلم والى يكلمك يجهل منو انت

يعنى فى ناس معاى بالدوام سنين وبنين

لكن للحين علاقتى معاهم رسمية للاخر سلام سلام وبس

وفى ناس علاقتى معاهم فى الانترنت شهور لكن تكعكع وضحك وايميلات ووناسة

شرااايكم

نورتوا المدونة لووووووووووووووووول

لوووووووووووووووووووووول

شنووو هذاااا

يالمشافيييييح

اثاري فيكم كبتت وحكررررة

لوووووووووووووووووووول

خلاص خلاص

راح اغير مدونتي

اسميها

المنتزه

منتزه المدونات

او ديوانية المدونات

لووووووووووووووووووول

شسسالفة سهر وطيران وفطووومة يقولون موجودددة

لووووووووووووووووول

هذة يومين جذي سويتوا

اذا سافرت شهر والا شهرين شتسووووووووووون

مدينة ملاهي والا مسيرات و كرنفالات

تستاهلون المدونة منكم واليكم

وكويت وشلالات صايرين زعماء العصاااااابة

ههههههههههههه

صج لي قالوا

تحت السواهي دوااااهي

شلالات وكويت

قررت اعطيكم مفتاح المدونة

واليوزر

الصراحة تستاهلوننن

ومنو ينسي

اعطيها مفتاح المطبخ والماجلة

سنعة

رتبت كل شي لما خلصتوا

ومتفائل

الريموت والكلمة السرية

حق الرسيفر

لوووووووووووووووووووووووول

ويو تيرن مسؤولة مواقف السيارات

اسم علي مسمي

لووووووووووووووووول

واما شلة شاي الضحي

فهذيل لهم سويت خاص

يسوون الدوة ويحطون الشاي الملون

والحليب والبخصم والدرابيل

والدوة تشبها فاتوو

ام البدليات

لووووووول

دام ان الدخلة ببلاش والكهربا والماي ببلاش

هيصواااا عليكم بالعاااافية

لووووووووووووول

*****

فاتووو تكفين بسج بدليات

شنو

من صبق لبق

صبق عاد

صصصبق صصصصصبق

لوووووووووووووووووووووووووول

سبق

س

سسس

سسسسسسس

سبق من السباق

وليس صبق من الصباقققق

لووووووووووووووووووووول

رحلة قصيرة جدا واعود

قوة يالحلوين

شلونكم كلكم

رحلة قصيرة جدا

واعود ان شاء الله خلال يومين

البلوق بلوقكم

لا تستحون

الى يبى يخمس بسيارته

والى تبى تيبب

والى يعزم ناس

خذواراحتكم

اهم شى لا تخلون اغراضكم

شيلوا كل شى

لانى الى راح القى اغراضه عندى

ما اردهم له

وشعارى

لقيت بارض الله ما ارد لخلق الله

ونشوفكم على خير

الكظماوى وبس والباجى خس