الجمعة، ٢٤ أبريل ٢٠٠٩

نتيجة الاستبيان الاخير

تحديث
تحديث ثانى
تحديث ثالث
مو تقولون ما قلت
علشان عيون الغالية كويت
الليلة اليمعة عندى بالبلوق
يرجى عدم اصطحاب الاطفال والنفيش
وشكرا
وتم تغيير وظيفة يو تيرن من مسؤولة المواقف
الى
كاشيرتذاكر الدخول بناء على رغبتها
لووووووووووول
قوة يالحلوين
شلونكم
الاستبيان الاخير ليش يعتزل المدونون الكتابة
تنوعت اجاباتكم
بس اكثر الاجابات قالت
انهم يملون من نجرة المدونين وانهم يتزوجون ويلهون
وانهم يحوشهم احباط وانهم يلهون بالدراسة
طبعا فى اجابات اخرى مثل الى قالوا بطونهم تعورهم لوووووووووووول
وجهازهم يبيله فورمات ويسوون عمليات تجميل لوووووووووووووووول شكو ))**
انا ساعات امل من المدونات والانترنت وتذكرون مدونتى الاولى
مو بس سكرتها لا سكرتها وحذفتها من الانترنت خير شر
وبعدين قررت ارجع فالظاهر ان هذا الشى يمرون فيه كثير من عيال الانترنت فى زمننا
انا ساعات احس جنه فى علاقة بينى وبين الى اشارك فى مدوناتهم
ويشاركونى فى مدونتي
نتعود على بعض ونفقد بعض صح والا انا غلطان
الصراحة شى غريب شلون نتواصل بالانترنت شهور وسنين
ونتفاهم ونصير ربع ومع هذا ما نشوف بعض ولا نسمع بعض
ولا نكلم بعض والى لاحظته
ان التعارف والتواصل فى الانترنت وايد سهل
لانه مافيه شكليات ولا ضغوط ولا احراجات
ويكفى انك تجهل من تكلم والى يكلمك يجهل منو انت
يعنى فى ناس معاى بالدوام سنين وبنين
لكن للحين علاقتى معاهم رسمية للاخر سلام سلام وبس
وفى ناس علاقتى معاهم فى الانترنت شهور لكن تكعكع وضحك وايميلات ووناسة
شرااايكم

الاثنين، ٢٠ أبريل ٢٠٠٩

نورتوا المدونة لووووووووووووووووول

لوووووووووووووووووووووول
شنووو هذاااا
يالمشافيييييح
اثاري فيكم كبتت وحكررررة
لوووووووووووووووووووول
خلاص خلاص
راح اغير مدونتي
اسميها
المنتزه
منتزه المدونات
او ديوانية المدونات
لووووووووووووووووووول
شسسالفة سهر وطيران وفطووومة يقولون موجودددة
لووووووووووووووووول
هذة يومين جذي سويتوا
اذا سافرت شهر والا شهرين شتسووووووووووون
مدينة ملاهي والا مسيرات و كرنفالات
تستاهلون المدونة منكم واليكم
وكويت وشلالات صايرين زعماء العصاااااابة
ههههههههههههه
صج لي قالوا
تحت السواهي دوااااهي
شلالات وكويت
قررت اعطيكم مفتاح المدونة
واليوزر
الصراحة تستاهلوننن
ومنو ينسي
اعطيها مفتاح المطبخ والماجلة
سنعة
رتبت كل شي لما خلصتوا
ومتفائل
الريموت والكلمة السرية
حق الرسيفر
لوووووووووووووووووووووووول
ويو تيرن مسؤولة مواقف السيارات
اسم علي مسمي
لووووووووووووووووول
واما شلة شاي الضحي
فهذيل لهم سويت خاص
يسوون الدوة ويحطون الشاي الملون
والحليب والبخصم والدرابيل
والدوة تشبها فاتوو
ام البدليات
لووووووول
دام ان الدخلة ببلاش والكهربا والماي ببلاش
هيصواااا عليكم بالعاااافية
لووووووووووووول
*****
فاتووو تكفين بسج بدليات
شنو
من صبق لبق
صبق عاد
صصصبق صصصصصبق
لوووووووووووووووووووووووووول
سبق
س
سسس
سسسسسسس
سبق من السباق
وليس صبق من الصباقققق
لووووووووووووووووووووول

الجمعة، ١٧ أبريل ٢٠٠٩

رحلة قصيرة جدا واعود

قوة يالحلوين
شلونكم كلكم
رحلة قصيرة جدا
واعود ان شاء الله خلال يومين
البلوق بلوقكم
لا تستحون
الى يبى يخمس بسيارته
والى تبى تيبب
والى يعزم ناس
خذواراحتكم
اهم شى لا تخلون اغراضكم
شيلوا كل شى
لانى الى راح القى اغراضه عندى
ما اردهم له
وشعارى
لقيت بارض الله ما ارد لخلق الله
ونشوفكم على خير
الكظماوى وبس والباجى خس

الخميس، ٢ أبريل ٢٠٠٩

مشكورة يا الطيبة

تحديث
اذا لكم خلق جاوبوا علي الاستبيان الجديد
بدون صواريخ رجاءا
*******
قوة يالغاليين شلونكم
الاستبيان الاخير عن اسباب ترك التدوين
حفل باجابات حلوة ومتعددة
طبعا اكيد الاجابات حلوة مو انا الى كاتبها
لووول
بس فيه اختيارات حلوة الى انتوا مختارينها
وان شاء الله قبل الانتخابات الياية احلل لكم النتايج
المهم
رحت اسوى معاملة بمركز الخدمة مال الداخلية
فى منطقة (...) يم الجمعية
جهزت اوراقى والبطاقة المدنية والطوابع وكل حاجة
عقب ما خذيت رقم
كان رقمى
320
شوى والا يطلع دورى عند الكاونتر رقم (..)
سلمت على الموظفة طبعا كلهم بنات الى يشتغلون
بنت الحلال محترمة وسنعة مثلكم كلكم
خذت اوراقى شيكت عليهم
جان تطلع جنطة وردية شحلاتها جنها مالت البى اس بى
لا وفيها ميدالية دب ماادرى ثعلب
لوووووووووول
قالت لى اطلب لك شاى
استغربت والله
جم سنة اروح نفس المركز ولا مرة احد طلب لى شاى ولا ماى ولا شربت
قلت لها مشكورة ..الصراحة استحيت
ماادرى تصدقون عاد والا لا..اعرف سوالفكن شكاكات
وهى تسوى الاوراق جان تقول لى تبى هالورقة والا تخليها لنا قلت لها لا مااحتاجها
شوى على ما يخلص الكمبيوتر شغله
قامت البنت
والله مانى جاذب عليكم
ماوعيت الا الفراش البنغالى
يايب لى شاى وماى ويهز راسه
قلت له مشكور
عقب شوى ردت ..
قلت لها مشكورة على الشاى..
قالت العفو وهى تبتسم
معاملتى شوى طولت
قلت لها انطر على كراسى المراجعين لما تخلص معاملتى
قالت لا لا خلك قاعد ماكو احد مافيه مشكلة
الصراحة كان فيه اناس
بس ماعرفت شرد
بعد يمها بنات وايد ما بغيت يتناغزون
جان اندعس بالكرسى الى انا فيه واتخشش عن عيون الناس
لايقولون هذا شفيه طول بالمعاملة..
لكن الحقيقة ماقصرت الغالية ومعاملتها طيبة
ماادرى مشبهه على ماادرى تصير لى ..
يا بنات منو فيكم تشتغل بمراكز الخدمة خنسوى شغلنا عندها بالمرة
ونشوفكم على خير
كظماوى وكويتى ومزيون
ملاحظة مهمة
البنت ماشاءالله ناعمة ومملوحة الله يستر عليها ويوفقها يارب