الخميس، ٦ أغسطس ٢٠٠٩

ان كيدهن عظيم

السلام عليكم


محدثتكم بربلوشه المبتلشه


لووووووووووووول


طبعا ما يحتاج اقولكم أنا شنو اللي بلشت عمري فيه


بروحي بلوقي و بالزوور مجابلته! هالدور أجابل بلوق كظماوي بعد!ـ


بس ما عليه .. تموووووون يالمزيوووووون ماني رادتك


:)))



اليوم عندي لكم سالفة وصلتني بالايميل


و حبيت أشاركم فيها عشان تعرفوووون كيدنا و ما يسوي


ــــــــــــــــــــــــــــــــــــــــــــــــــــــــ

لي يانا و ياكم .. خييييير(ن) لفانا و لفااااااكم


و شر تعدنا و تعداكم .. زوووووور ابن الزرزوووووور


اللي عمره ما حلف زووور .. ذبح بقة و ترس سببببببعه جدووووووور


و خلى الشحووووووم و اللحووووووم على الصواني تدوووووور


كان ياما كان


كان في وحدة و زوجها و أبنائها قرروا يقضون العطلة في سوريا


تقوووول صاحبة الرواية


سافرنا إلى هناك .. واستأجرنا منزل من إحدى العائلات السورية


حيث أنهم يقومون في الإجازة بتفريغ منزلهم إن كان يتكون من أكثر من طابق


ويسكنون في طابق ويأجرون الطابق الآخر على السياح .. (من باب الرزق)ـ


مرت الأيام وكانت جميلة وراااائعة


كانت العائلة السورية (أصحاب المنزل) عندهم
((فتاة)) جميلة وحلوووووة


وكانت بين فترة وأخرى تطق علينا الباب وتقول أبي بعض الأغراض من المنزل


وتأخذ اللي تبي وتخرج .. المشكلة هنا


بدأت عيون زوجي تلاحقها .. !!!!!!!!!!!!! ـ


والفتاة تبتسم له تلك الإبتسامة الساحرة ثم تخرج!!!!!!!!! أأأاخ يا القهر!!!ـ


تطورت الحالة .. وصارت تقابله كل ما خرج ودخل .. وإبتسامة منها وآخرى منه


ثم كلمة ....
إلى أن تعلــــــــــــــــــق ( قلبه ) بها وقرر أن


يتزوجهــــــــــــــا


وأتى وأخبرني برغبته في الزواج من تلك الفتاة...!!ـ


صعقت... وصرخت .. وانتقدته...!!!!!!!!!!!!!!!!ـ


ولكنه أصرررررررررررر!!!ـ


قلت: إذن رجعني إلى السعودية .. ثم ارجع وتزوجها


أما إنك تتزوجها وتاخذها معنا ..
فمستحييييييييييل


علشان الناس تقول : راحت تتمشى .. فتزوج عليها ورجعت!ـ 


ويقولون :راح بوحدة .. رجع بثنتين!!!!!!!!!!!!!ـ


قال: خلاص أرجعك السعودية وأرجع


اتفقنا على كذا


المهم اليوم اللي قبل ما نسافر فيه .. خرج زوجي من البيت


قمت
وأخذت عصاااااايه كبيرة(خشبة) وكسرت التحف اللي في بيتهم


ودخلت على غرفة يخزنون فيها المخللات .. كسرت كل العلب وكانت كثيرة


علشان بنتهم الخايسة هذي اللي تبي تاخذ مني زوجي وأنا أتفرج!!ـ


المهم جاء زوجي وشاف
الأغراض مكسرة والبيت محووس


قال: وش ذا ؟؟ من سوا كذا؟؟


قلت له:
هذولي عيالك الله يصلحهم .. طلعت أتمشى شوي .. رجعت لقيتهم حايسين الدنيا


أحرجونا الله يهديهم مع أصحاب المنزل .. ما أدري شنقول لهم ألحين!!!!ـ


قال: الله يهديهم بس..خلاص خذي
هذي العشرة آلاف ريال وأعطيهم إياها وأعتذري منهم!ـ


(( عشرة آلاف.. والله ما هي كرم !! بس لأجل عيون البنت))!!!!!


قلت له طيب أبشر..
وقمت حطيت بجيبي تسعة آلاف(اللي عمري ما قد حلمت يعطيني إياها) ـ


وطلعت لأصحاب المنزل ب1000 وناديت الأم ونزلت معاي على بيتهم بعد الحوسة


وقامت : تصرخ .. شو هيدا؟؟


قمت أعطيتها الـ1000 وقلت لها : معليش يا حبيبتي سامحيني والله


اللي سوا كذا ببيتكم زوجي مسكين
عنده حالة نفسية..وعنده صررررع


ما تركت مستشفى ولا دكتور إلارحت بزوجي عنده علشان يتعالج بس ما فيه فايدة


وسافرت به كل ديرة قلت : عسى تتحسن حالته النفسية بس ما فيه فايدة كمان


وأنا جايبته ألحين لسوريا قلت عسى يستانس ويروح عنه المرض


بس مثل ما شفتي تصيبه هذي الحالات من فترة لفترة


ولا يترك شي في حاله
حتى أنا يضربني ويضرب عياله.......! ـ


وهذي الألف خذيها بدل اللي تكسر في بيتكم ولا يدري إني أعطيتكم شي


علشان ما يصارخ وياخذها منكم لأن كل شي عنده إلا الفلوس !(علشان ما تروح تشكره على الفلوس وينفضح أمري)ـ


قالت: لا عادي يا ألبي الله يعينك عليه ويشفيه ياااارب



واليوم الثاني أشيل عفشي وعلى طووووول ع السعودية وأنا مرتااااااحة!!!ـ


ولا يمر أسبوع إلا وهو يقول ياللا بأسافر لسوريا..(على باله رايح علشان يتزوجها)ـ


قلت: الله يحفظك.(وأنا متطمنه)ـ


ويروح لسوريا ويروح لأم البنت ويطلب يد بنتها


قالت: معليش سامحنا والله خطبها ولد عمها وما نقدر نرده


((لأنه كان متفق معاهم إنه بس يرجعني السعودية ويرجع ياخذها وكانوا موافقين بس بعد اللي قلت لهم ارفضوا))ـ



ورجع للسعودية من وقتها.. ونسيها .. ورجعت حياتنا مثل أول وأحسن


وكل شي تماااااااااااااااام والحمد لله



ـــــــــــــــــــــــــــــــــــــــــــــــــــ

و خلصت و ملصت و يت الدياية و عنفصت

:))))))))))

شرااااااااايكم بدهاااااءها و ذكاااااءها

والله عجبتني الصراحة ما سوت مشكلة و صراخ و بروح بيت ابوي و لوية


في النهاية نشكر لكم حسن المتابعة

و الى اللقاء في بوست قادم ان شاءالله



هناك ٢٦ تعليقًا:

جبريت يقول...

الله ي كيدكن عظيم وبلشه اشوه اني من اعداء الزواج ماني مزواج مثل الاهل

esTeKaNa يقول...

تصدقين احتريت
!!
اهي ام عياله وعمر وعشره
وذيج المنقوزه ابتسمت جم ابتسامة قال بتزوجها؟
واي انا لو منها يمكن خذيت العصا كسرتها على ظهره وراسه
وحتى لو يرد
يعني رد لأنهم ردوه من سنعه



الحين انا ليش معصبه؟
لوووووووووووووول
واي اهم شي بربلوشه الراعي الرسمي لكظماوي
:P~

Fishah يقول...

اتصدقين اعجبتني حركتها .. تفكيرها عجييييييب .. وااااي حكيمه حبيتها خخخخخ .. لو انا منها جان قلت له ردني بيتي مالت عليك وعليها لووووول

:)

enter-q8 يقول...

شسالفه وين كظماوي لا يكون راح احترف بالنصر

mtfa2el يقول...

" ثم كلمة .... إلى أن تعلــــــــــــــــــق ( قلبه ) بها وقرر أن

يتزوجهــــــــــــــا"

كلمة يتزوجها ليش مكتوبة بالبرتقالي ؟؟
يعن قصدج هالسالفة عن كظماوي ؟؟

لوووووول طلعت عيونك زايغة و تبي تكمل الخانات الأربع

من كل بلاد الدنيا .. من كل بقاع الأرض
لووووووووووووووووول

kazmawy يقول...

لوووووووووووول
حلوة حلوة حلوة
تسلم ايدج
مسلسل رمضانى ناجح امية بالامية
بغيت ابجى اخر شى بس اشوة ان ريلها الاثول رجع لها
لووووووووووول
.....

kazmawy يقول...

استكانة
لووووووووووووووووول
ليش معصبة يمعودة
ايميل ايميل مو صج
لوووووووووووووووووووووووووول

kazmawy يقول...

ابو وليد هههههههه
اذا النصر السعودى مقبولة
بس النصر ماغيره يمعود لا يحووووشك"))

kazmawy يقول...

متفائل
لووووووووووووووووووووول
اى والله بربليوووشة هم مدونتى وهم تحرش فينى لوووووووووووووووووووووول
عاد يوم انى نويت اتزوج على مرتى اخذ وحدة خبط لزق شايفها بعمارة وهى تقط درام الزبالة
لوووووووووووووووووووول
ليش ياحافظ محروم والا عايش بافريقيا
يامكثر البنات الزينات حوالينا ودار مدارناالبيضة بيضة والمربربة مربربة وام زنود متفخة والزين كله عندنا
لووووووووووووووووووول
اصلا انا الى اتغلى عليهم مو هم الى يتغلون على
لووووووووووووووووووووووووووووول

kazmawy يقول...

عنيف يااخوى ليش معادى الزواج والله العظيم ان الزواج شى طيب ياخوك لا يقصون عليك النيادة جعوص ما يبون يتزوجون من البخل ترى
لوووووووووووووووووووووووووول

kazmawy يقول...

شوفوا يالربع هذة فايدة المدونة المشتركة بربليوشة تكتب الموضوع وانا اعلق على الردود لوووووووووووول
عسي ماييحسدوننا يا بربليووووشة :)**

kazmawy يقول...

فاتو للحين ما علقتى بس رجااااءحااار
اذا علقت شيكى على البدليات ترى حطيت لج قانون يديد حق مدونتى
يصير بدلية وحدة كل يوم :)

*****
لووووووووووولل

fatto يقول...

لوووووووول مشكووور ياطجماوي .. بس ترى هذي ماتنحسب بدليه .. خلاص راح عليك هالاسم :)


-------------------------------

الصراحه حدها ذكيه هالمره اعجبتني والله .. لوغيرها جان قومت الدنيا عليه .. يمه منكم يالرياييل ومن عيونكم الي ماتشبع زوغ .. ما ادري ليش وحده ماتكفي الريال ؟؟ هالسؤال عيزت ادورله اجابه مالقيت والاراح القه .. بس زين سوت فيه طلعته مينون لوول

طجماوي .. خل بيربل اترد على التعليقات .. لونصهم .. استلمتنا كلنا لووول

mtfa2el يقول...

كظماوي يعني لو قاعد شهر بسوريا و كل يوم تبتسملك بتقولي ما تفكر تتزوجها مسيار ؟

لووووووووول

بعدين انا طايح عليك تفر بمواقع زواج المسيار هاليومين تدورلك وحدة ما تزوجت منها المال و بدون عيال

لووووووووووووووول
تصدق عاد خوش فكرة
:p

aL-NooR . يقول...

الحمدلله .. والله جان ازنطه.. وعادي اذبحه .. بس ..مالت عليها هالنزقة .. مسرع ما اغسلت مخه .. جذي الريايل ايزي ؟! و هذي مرتك ؟ و ام عيالك ؟ اشوة طلعت فطيـــنه
D: .. نهاية سعيدة جدااااااا

شكرا شكرا بيربل .. و شكرا اخ كظماوي على الضيافة ..

*******************************

mtfa2el يقول...

طجمااااوي
تصدق توني شاري تلفون يديد زقرتي تقدر تدش فيه النت و تجيك على ايميلاتك شغل عدل هدبده شلخ ملخ ترللي .. عاد أول ما جكيت سالفة النت قلت أيي أكشخ و اعلق عندك بما أه جهازي عطاك عمره و ناوي أدور جهاز يديد بس شرط تكون تلبس عباة و معاشها فوق الألف و أحلى من ناتالي بورتمان و فيها لمحة من عايشة المرطة
لووووووول
و الله النقال مع النت زقرتي تحس انك دشيت العولمة صح ..
هااا ما قتلي أدزلك ايميل خطابة تزوجني انا وياك مسيار بالخش و الدس و لا من شاف و لا من دري لووووول
فاتو مسويتها لغز بعد .. ريال و عيونه مو زايغة هذا قوي حده أصلا اهم علامات الرياييل زوغان العيون .. تدرين شلون باسوي كتاب باخليه مع الإيميلات اللي فيها اسرار الرياييل اسم الكتاب " تغميس الدرابيل في بيان زوغان عيون الرياييل "
لوووووووووووول

fatto يقول...

لووووووووووووول متفائل والله موتني ضحك على شروطك بالجهاز واسم العنوان لوووووووووووووووووووووووول
اشلون فكرت اتسميه جذيه :)

وافاا يا متفائل انت منهم فيك ( زوغان العيون ) وانه الي هقيتك احسن من طجماوي وماشي سيده .. اثاريه خربك .. وانه شاده حيلي قاعده ادورلك بنت الحلال .. مدام هذي سوالفكم يالرياييل .. اخليكم مع الخطابات ( ام حسينه ) وربعها لوووول

واموووت واعرف عن هالايميلات الي اتحجى عنها ( اسرار الرجاله ) لووول

اشدعوه دزلي ايميل بالغلط جنك ماتدري .. ناطرتك ترى .. حدك اليوم وذا مادزيتلي .. ترى ايننك ابحنتي .. عاد انا دعله بالحنه لووووووول

mtfa2el يقول...

لووول
ايي هذي شروط متعوب عليها :p
اهم شي لمحة عايشة المرطة ترى صعب تلقينها

بعدين هذا انتوا يا الحريم .. كله يالله متى ندورلك و متى نخطبلك و أطلعلك دفتر الخطبة و اييبلك البنت اللي ماكو مثلها ووقت الصجية نحشة ماكو وحدة تدور ولا حاجة ولا أي حاجة
لووووول
بعدين شوفي على سالفة زوغان العيون هذي يبيلها بوست بحاله .. بس باختصار ما في ريال عيونه مو زايغة عاد يزيد و ينقص عند بعض الرجالة بس دام عيونه مو زايغة هذا معناته مش ولا بد
لوووووول

 
خلاص عطيتيني فكرة اكتب بوست عن اسرار الرياييل بس لازم يكون المود زي الفل و الأسهم مرتفعة و السوق زين
لوووووووووول

Purplecious يقول...

لوووووووووووووووووووووووووووووول

أهم شي كظماوي راد على التعليقات

ههههههههههههههههه

مشكوووووور كظماوي بس عاد الحين دوري خل ارد على النص الثاني

Purplecious يقول...

فاتووو

و لا راح تفهميييييين هذا السؤال ماله اجابة و الوحيدة اللي قدرت تجاوب عليه الدكتورة فزفز شكلج ما تتابعينها لوووووووووووووووووووووول

بس شفتي ذكائها يعني شي ما يخطر على البال في وقت انتي تكونين مصدومة فيه

Purplecious يقول...

متفائل


انت شفييييييك على المسيار هاااااااا

ترى هذه أفكار اللي متزوجين و خايفين من حريمهم

و الله بديت أشك انك انت و كظماوي متزوجين و معيلين بعد

لووووووووووووووووووول

عاد تصدق عندي وحده بالمواصفات اللي تبيها و لمحة عايشة المرطة بالضبط نفس نظارتها بالظبططططططططططط

بس ماني معلمتك نحااااااسه كيفي

p;

عنوان الكتاب لووووووووووووووووول

حتى انا بسوي كتاب انت مو احسن مني عن سر عزوفك عن الزواج

" الشرح الكامل لسر عزوبية متفائل "

ههههههههههههههههههه

Purplecious يقول...

النور

ههههههههههههههه لالالا حبيبتي لا تتهورين اسم الله عليج

انا حاطه القصة عشان نستفيد و نفكر شوي قبل لا نتهور

الريال طبيعته ما تقدرين تغيرين هالشي و بعض الناس عندهم عادي يتزوج على مرته لأن الشرع محلله 4
بس يتجاهلون الشروط يعني مو أي واحد طق براسه يتزوج على مرته جك بم يتزوج

و المرأة الذكية تعرف شلون تتعامل مع نزوة ريلها بحكمة صراحة مشاءالله عليها

عاد ما أوصيج هالله هالله بالفطانة
:**

fatto يقول...

متفائل :

((((المود زي الفل و الأسهم مرتفعة و السوق زين )))

خير انشاءالله عيل محنه شايفين شي لووووووووول


"تغميس الدرابيل في بيان زوغان عيون الرياييل "

بس اذا فكرت ابيك اتحط هالعنوان تكفه :) لوووووووووول عجبني حددددده :)

fatto يقول...

@_@ طجماوي وينك ؟؟؟ مالك حس ؟ :)

لايكون لاهي مع الخطابه ( ام حسينه ) لووووول

fatto يقول...

بيربل :

لااا امبلا شفت الحلقه .. قالت مو الا يكون في سبب .. او مو الا تكون المره امقصره ابشي . مو ويلا مو مو ؟؟؟ :)

قلب طفله يقول...

صباح الخير و السعاده

على كاتبة البوست و صاحب المدونه

^_^

عجبتني المره ما شاء الله عليها قلبتها

عليه و قدرت تحافظ على بيتها ..

هذي عينه بسيطه من دهاء الحررريم

الله يستر على كظماوي و ربعه منهم :P~