صبحكم الله بالخير
شلونكم كلكم
والله البلد فالتة والامور تضيق الخلق
بس شنقول
الله يصلح الحال ويهدى ولاة الامور
لصالح الناس والوطن ..
المهم تعرفون انا سياستى فى المدونة انى ما اتكلم عن السياسة الا نادرا
لسبب بسيط
ان السياسة تارسة الجو عندى
فى البيت
فى الدوام
مع الربع
حتى سايقنا اذا قام يسولف يتكلم عن السياسة
علشان جذى
المكان الوحيد الى اتكلم فيه براحتى بدون سياسة
هو المدونة
واشكركم على متابعتكم لى
ومشاركتكم للمقالات الى رايحة فيها الى انا اكتبها
طبعا مو كلها رايحة فيها
شى رايحة فيها
وشى ياية فيها
لوووووووول
شسوى خنت حيلى انا
قاعد بروحى اليوم تعبان مو مداوم
تونى متريق
وشفت التلفزيون
وقريتلى جريدتين
كلهم مرض بمرض
...
طبعا هذة المقدمة مثل ماعودتكم
مالها شغل بالموضوع
لووووووووووول
سالتنى شنو مواصفات الجمال عندك
مباشرة وبدون كلك ولا عقد زايدة
انا احب البنت تكون متينة شوى
مو بطة مدربحة مرة وحدة
لكن احبها متروسة
مربربة ماتبين عظامها
مو عصلة دق العود لى طاحت تكسرت
ولا حاشتك عورتك بكوعها جنها صبى ...
بعد احبها حنطاوية..برونزية..سمرة على الخفيف
مو عبدة وكلنا عبيد الله
مو صقنقح..لا لون كويتى حاكته الشمس بنعمومة
مو بيضة كاشفة ولا مصوفرة من فقر الدم ...
واحب ويهها يكون مدور ..واى على الوجه المدور فتان
واذا كان شعرها كاريه..اعتقد ماكو احلى من هالجمال..
طبعا مو اطول منى يعنى بحدود 160 الى 165
واعشق صاحبة الصوت المختفى..
ماتسمعها وهى تتكلم
تظنها توسوس وهى تهمس بالحروف
لان بعض البنات لا يحوشك
طقاقة على سنجة عشرة
..
طبعا هذة المواصفات بخيالى..
ذوقى طلع جذى..
ساعات افكر من وين يبت هالذوق..
لما القى الجواب اضحك على نفسى
واقول
والله انى مو هين...
وسلامتكم وتعيشون
:)
كظماوى وكويتى ومزيون
المشاركات
هناك ٣٩ تعليقًا:
سلاماات سلامات اجر وعافية
:))
الظاهر كل الناس مو مداومة اليوم
الشارع فاضي
:))
لووووول
الله يرزقك ماتتمنى يارب
:)
:)))))))))))))))))))
انزين والمطلوب الحين
نشتغل لك خطابات ونشوف لك بنت الحلال
:)
بس لين تكافختوا عقب مالنا شغل
ايه وانا آخذ نسبة من المهر ترى
10%
لوووووووووول
ولا ماني هينة
واكو حل ثاني
نطلع انا وياك ندور بشوارع الديرة ونقول
ياااا من عين الضالة
خل انحاش قبل لا تعصب علي
سلام
اهم شي ويها مو اصفر من فقر الدم
لوووووول
صج ضحكني هالوصف
ممممم
يا كثر البنات اللي اعرفهم يشبهون فتاة احلامك بس شعورهم طويلة
مو مشكلة
الصالوات مفتوحة تقص قاريه
ها نتوكل على الله ونبدي حملة البحث عن عروس
:Pp~
وسلامات ما تشوف شر
شلووون صوت مختفي؟؟؟؟؟؟؟
الحين كل البنات صوتهم و نبرتهم مثل مذيعات (....) هالوقت
الله يعطيك اللي في بالك يارب
الله يعينك على الايميلات اللي بتييك
عاد ما قلت الا متكتكة ..مو الحين كل البنات صاروا متكتكات
و انا معاك .. يا حلاة الصوت المختفي
الحين تسمع صوتها يلعلع من سابع فريج و لي دستلها على طرف خطر تاكلك بعظامك و اخر شي تقولك
شفيهم الكويتياات ؟؟؟؟
khosh mwasafat .. minik el mal o minha le3yal:)) good luck
انا قايل هالسوالف قاعده تطلع اذا نية الزواج اوصلت الى اكثر من
90%
المهم لا تنسى تدعينا
بانت فيلجا
لووووووووووووووووووووول ..
بس ناقص تحدد اسمها شنو ;q
الله يوفقك وان شاء الله تحصل الي في بالك أسرع سريع D:
اقول كظماوي
جنه متفائل عنده اعتراض على الكويتيات
وياحبذا نسمع رايه
يا حبذا
بس قبلها اكو مثل صغيرون تدري شيقول
مالك الا خشمك لو كان عوي
:)))
يجعل كلامي خفيف عليكم
ويسكنكم بمساكنكم
سلامات ياخوي ما تشوف شر
ههههههههههههه
اهم شي تبيها توسوس
ههههههههههههههه
عرفت المواصفات هذي من تنطبق عليه
اقوووول كظماوي اقووول ؟؟
لا خلاص ما راح اقول
و لا بقووووول
وحده تكون شبيهة مريم الغضبان
الله يرحمها مو شبيهتها الا نسختها :Pp~
منك المال و منها العيال :)))
عسى الله يوفجك التوفيج الطيب
و سلامتك حجي كظماوي ما تشوف شر :)
نجمه هلا بالغالية الله يسلمج وماتشوفين شر
هو الحقيقة نص مرض ونص عيارة تقدرين تقولين جذى لووووووووووول
الزين لووووووووووووول
وهم لوووووووووووول بعد :)
شوفى اطلع معاج بالسيارة بشرطين
اول شرط سيارتج تكون كشخة
الشرك الثانى يكون معانا محرم
لوووووووووووووووووووووول
وبعدين لا تحاتين مستحيل اتكافخ مع زوجتى الله يبعد هالشى عنا
اعتقد الى يتعود يمد ايده على مرته مو ريال..
استكانة وين يا خلاف ..يا مصرصرات بالجنز الضيج والا مركبين اريل الاتصالات :)
لووووووووووول
...
الوتين هلا وغلا ونروت المدونة :)
الصوت المختفى اقصد انه صوت رهيف مو يلعلعا جنها شافطة راسين شيشة ويايتنى ")
متفائل
افا عليك بس ...اذا مو كويتية مستحيل اتزوجها ..
حلاة الثوب رقعته منه وفيه :)*)
سامحونى باطلع الحين بعدين اكمل السوالف واياكم
:::
عدنا :)
ولكم باك حق روحى :)
فطوم تسلمين ومشكورة على الزيارة والدعوة الحلوة :)
ابو وليد
لووووووووووووووول
انت مشكلتك ما تقرى ردودى عليك فى البوستات:)*)
كويت ههههههههههههاههه
لا شنو احدد اسمها
انا قاعد اتخيلها ..وبس :)
الزين ..لا لا لا تظنين بالريال هو عاجبينه بس عنده شوى تحفظات :)
مملوحة كويتية لوووووووووووووول
اى اى
يعنى صوتها خافت جنه لمبة 40 وات :)
مو بيعارية جنها كشافات نادى القادسية
قلب طفلة
لووووووووول
الله يرحمها برحمته الواسعة
عاد الله يسامحج
جان قلتى على الاقل دولت شوقى :)
هههههههههه
كضماوي شكلك ناوي
نقول مبروك؟؟
جم موضوع الحين عن هالشي
شنو ناوي؟؟
قول خل ازهب المرتهش
p;
سلامات
و الله يرزقك كل اللي تتمناه
ها ناوي قريب
شكلك
عاد اعزمنا
p;
يمه منك منت هين....;)
الله يرزقك في بنت الحلال الي بهالمواصفات الجميله ...
شكلك ناوي علي الزواج ...وقاعد تقط نغزات :)
ما عليك انت عزم واحنا نروح نخطبها لك ,,,بس ما قلت جم المهر ؟؟
ووين تبي بيتهم :)
تحياتي
داركنيس
لوووووووول
شفيج هذا يبا حديث نفس للنفس
:)
بعدين شيطلع المرتهش
..بشت والا عقال ..؟؟
منو ينسى :)
هلا وغلا والله يسلمك من كل شر
صبا لووووووووول
تصدقين عاد من جد موضوع بيتهم وايد مهم
لووووووووووووووووووووول
:)
:)
خوش بوست بصراحه
شوف ياطويل العمر اول شي ماتشوف شر وسلامتك والحين طمنا عن صحتك
وماياك هالتعب الا من سايقكم السياسي :)
وبعدين خوش مواصفات :)
ومن ناحيه الصوت اللى مثل حس النمله بتلاقيه وبزياده
لان الحين اغلب البنات ينعمون بهالصوت وماتسمع حسهم كلش
ويارب تلاقى فارسة احلامك وتعيش معاها احلى الاوقات وتخلفوا صبيان وبناااات
سلاااااااااامااااااااات
لوووووووووووووووووووووووول
تبي ندورلك يعني من الحين ؟
شيومة لووووووول
اول شى الله يسلمج ابشرج الحمدلله بخير بس يوم واحد وخلصت عيارتى :)
الشى الثانى مشكورة على اهتمامج وان شاءالله الفارسة موجودة من زمان لاتحاتين الحمدلله كل شى ميه المية :)
لوووووووول
شلالات
لووووووولين بعد ليش لا :*)
لا مشكورة وماتقصرين لحد يدور كل حاجة تمام لاتحاتين :)
المواصفات الصراحه خطييره :) يعني انت بختصار تبي كويتيه بحت :) .. افا عليك يالمزيون ماطلبت شي .. اندورلك انشاءالله .. راح اسيرلك خطابه بعد اشتبي .. لوووول
لووووووووووووووووووووووووووووول
صج صج صج تضحكني
شنو بوستات ياية فيها؟؟؟؟ بس اغلبهم رايحين فيها صحح؟؟؟
بعدين شخباري كاريه؟؟؟وليش تبيها توسوس اعوذبالله ابليس؟؟؟
انزين علمنا شنو الجواب اللي اذا لقيته تضحك على نفسك؟؟؟
قوقعة يعنى يبتيها باختصار
والله انج فاهمتنى :*&*)
شاتر بوكس
لوووووووووووووووووول
والله قاعد اقول منو راح يسالنى هالسؤال اثاريج انتى الى تدققين على كل شى اااه منج طبع عيايز فيج :)*)
ماراح اقول الجواب الحين باخليه مرة ثانية ::..:)
ولاتقاطعين ياالشتورة
كنت بعلق البوست اليديد بس شفت كلمة عيايز قلت لاااااااااااااااااأ
لازم لازم ارد واعلق هالتعليق
:(
احلى شي انك عارفها ومخليها على كتر ليمه تقول عزمت اميه بالاميه
زين عارفها علشان ماتضيع اهلك بعديييييين
إرسال تعليق