( موقف حقيقى وليس من صبيان افكارى )
رن التليفون النقال..ترنتن ترنتن ترنتنيتتتييين ( نوكيا 6751)
انا ..نعم
الطرف الثانى ..الو صباح الخير( الصوت متعصر ومنتهى )
انا صباح النور ياهلا..تفضلى ..
معاك ( ..)
انا..همم فلانة عفوا ماعرفتج
فلانة الى بالقطاع المالى ...
اى نعم ( هى موظفة وانا مسؤول فى قطاع ثانى )
هى حبيت اكلمك عن موضوع مدير الدائرة القانونية ..
لحظة اختى ..ليش ما اتصلتى على تلفون المكتب؟؟
هى ..ما اعرفه ..!!
انزين من وين حصلتى تلفونى النقال ..؟؟
هى ..خذيته من سكرتارية المدير..
طيب تفضلى شنو الموضوع..؟؟
هى ..الوضع فى مكتبنا لا يطاق..وانا ..
انا قبل لا تكمل كلامها ..خلاص كتبى موضوعج بكتاب ودزيه بالبريد الرسمى وانا راح اعرضه بعدين
هى ..خير ان شاء الله
انا..مع السلامة ..
جك
جك ...
دفاشة ..والا وضع طبيعى !!
المشاركات
هناك ٣٥ تعليقًا:
وضع طبيعي جدا جدا
علامها متعسره يالله صباح خير
!!
ميخالف ميخالف محتره
سامحها يا كظماوي
:)
لأ
شلون تطلع موبايلك و رقم المكتب يعني مو موجود عند السكرتارية؟؟؟
و شنو هذا نوكيا 6751؟؟ من صبيان أفكار بعد؟؟
p:
@@
عادي وطبيعي جدا :)
بالدوام لازم تمر عليك أشكال وألوان تذكرك بالاستغفار لوووول ;q
لا مو طبيعي
شكلها حاطة عينها عليك ومثل ما طلعت رفم موبايلك كانت تقدر تطلع رقم المكتب بس عيارتها
انا اعتقد ان رقم الهاتف الشخصي هو من الخصوصيات
ما اعتقد ان من الذوق ان الانسان يتعدا على خصوصيات الاخر
و هذا ينم على قله حياء ما اعتقد ان من حياء المرأة ان تتساهل في مكالمة المدير ورقه او كتاب رسمي عند السكرتيره القطاع كانت تكفي
لكن اول مرة تطوف الثانيه يبلها ملاحظة و تعاملك كان بمحله جدا :)
زين تسوي
:)
اذا قصدك انت دفش لا طبيعي
او اهي دفشه ؟؟ لا مادري يمكن شوي
لو انا مكان البنت ما سويها وادق على مسئولي موبايل الا اذا اهو مصرحلي وحالة ضروريه وقصوى بعد
اما تصرفك انت ما شوي جاف
كان من الأفضل لو تتصل على رقم المكتب
او من الأول تكتب كتاب :)
لكن ما تدري شنو اللي خلاها ادق على تلفونك
وترى انا اشوف هالشي عادي
دام انه في نطاق العمل :)
اهي كانت تبي الامر مشورة و اشوية توجيه بشكل غير مباشر
و فوق هذا خايفه و متردده
لأنها لو مو خايفه كان سوت هالشي عالطول
انت رسميا صح
و محد يلومك و الوضع جدا طبيعي
و انصحك انك تستمر فيه
الا اذا احد اتصل عليك و بدون لف و دوران وقالك اخوي انا بمشورتك و هالسوالف
اما اني اقط لك كلمة علشان انت تتكلم و بعدين اشوف مايتك
لا تعور راسك وانا اخوك بهالسوالف
اول شى صبحكم الله بالخير كلكم شلونكم ..
مشكورين على الردود ان اعقب ماسكرت التلفون قلت جنى جعمت البنت..وبنفس الوقت بطت جبدى لما دقت على تلفونى...
مملوحة كويتية ..ماعرفت شنو الطبيعى ان هى دقت او ردى عليها .!!
استكانة التكانة لوووول هى مو متعسرة ..متعصرة يعنى تتكلم بصوت باربى خبرج لوووول:)
مسامحها اكيد اذا ماتعيدها
بربليوش :) اى والله عيارتها لقت الرقم ما لقت تلفون المكتب ..؟؟
واما نوكيا 6751 لوووووووول
اى والله تاليف طوفى عاد
انا قلت احد بيعلق على الرقم بس منو اثاريج انتى الى تدققين على كل شى ..:)
طبع عيايييز لوووووووووول
كويت
ههههههه
لا حول ولا وقوة الا بالله ..
عاد اشوف اشكال بالدوام اوووو..ساعات اقول من وين يطلعون ؟&*&
شاتر بوكس:)
مااعتقد لى هالدرجة ..لكن تصرفها مو مضبوط..
الرشيدى نورت المدونة ياخوك ومشكور على الكلمات الحلوة واكيد الموضوع مايتحمل يتكرر مرة ثانية لان ذيج الساعة راح استخدم مصطلحات ثالثة ثانوى لوووووووووول
شلالات تسلمين والله صح لسانج يالغالية :)
تكانة..تصرفى جاف لان الحركة مو مضبوطة..وشكرا على الزيارة
حياتى هدف :)
حتى فى نطاق العمل محد ياخذ رقم الثانى الموبايل بدون اذنه بهالصورة ..والا شرايك ؟
ابو وليد صح لسانك ياخوك مو يجربون ويحوسون ويلفون ويدورون :)
الله يهدى الجميع ويصلح نياتنا
تصير وايد
ليش مستغرب
بس اللي سويته انت صح
اطلب منها تدز لك ايميل بالموضوع اذا كان مكانكم يتعامل بالإيميلات
عشان تكون شكوتها مؤرخه وموثقه
:)
ابيخ حركه احد ياخذ رقمي من شخص آخر ومن غير اذن مني وخصوصا في مجال العمل
وانت اذا حاس انه هالموقف يضايقك
فانت صح ومو دفش :))
الزين هلا وغلا ونرتى الحتة :)
للاسف الايميلات عندنا لمستويات ادارية معينة ..
اعتقد انها فهمت الموضوع..
صبا تسلمين والله وكلامج فى محله يالغالية :*)
قوه ياالكظماوي :) لاتشتكي علي انا ييت :) لووول
اشعليك اشعليك عندك معجبات .. بس انت ماعطيتها مجال المسكينه :)
ما ادري اهي تصرفها
غلط الله يهديها لانه رقمك الشخصي مو رقم الشغل او المكتب بس يمكن على
نيتها و ما تعرف شي و ناويه
تستفسر منك .
و انت تصرفك عادي جدا و محترم ما
غلطت عليها عشان نقول دفاشه :)
اطمن خيو طلعت نتيجة التحليل
تصرفك خالي من الدفاشه و مغلف بالسنع :P
قوقعة لووووووول
عاد باقى على الشكوى 18 ساعة لوووووول
:)
قلب طفلة :)
لووووووول
حلوة مغلف بالسنع
زيدى عليه شوية ككاوبعد لزوم السمار
لووووووول
تسلمين يالغالية :)
بييييييه شهالسالفه البايخه اللى طلعتلك ياوخيي
الحين جان طلعت رقم المكتب باعتقادي انه اسرع من رقم موبايلك
يبه المفروض مايعطونها رقم موبايلك وعلى اي اساس يوزعونه
الله يعييييينك
هذي يسمونها
معجبة ..مغرمة
:p
اشوه اني لحقت :) والله من صجك قاعد تحسب :)لووول
شيماء هلا وغلا فيج
شفتى شلون اللقافة تسوى ؟.
متفائل لوووووووووووووول
لا يبا ويهى مو ويه معجبات ولا غرامات لوووووووووووووول
قوقعة شلون عيل تحسبين لعب عيال
لوووووووووولال :)*&*)
إرسال تعليق