اليوم اول ايام رمضان والحمدلله عساكم من عواده اجمعين
الموظفات بالدوام عندنا صاخين وهادين وغالبيتهم بدون مكياج
والله شحلاتهم بدون مكياج اسنع واحفظ لهم..
يوم كنت صغير كنت اعتقد ان المتحجبة والمنقبة هى السنعة
وان الباجين السفور رايحين فيها..
لما دخلت الجامعة تغيرت النظرة شوى..
لما توظفت واحتكيت بالبنات اكثرعرفت ان الحجاب والنقاب ماله علاقة مباشرة باخلاق البنت..
نعم انا اعتقد ان الحجاب واجب فى الشريعة لكن للاسف بعض المحجبات ودك تشوتهم فنقر من تصرفاتهم البايخة وطبعا لبسهم الى مثل ويوههم..
وبعض البنات السفور سنع وتكانة وثقل وتحس انهم طالعين من بيت محترم..
واكيد فى بنات محجبات ومنقبات غاية فى الاخلاق والدين والادب هذا شى ما عليه خلاف...
المهم يا بنات والله لما تيون الدوام بدون مكياج احسن لكم واحسن لنا احنا بعد...
البلوة كانت فى دوام الجامعة
والحمدلله السنة الدوام يبدى بعد رمضان شى اهون من شى...
قريت مرة جملة اعجبتنى حيل ورسخت فى ذهنى..كانت سؤال حق البنت الى تتمكيج وتطلع يقول السؤال..
لمن تتبرجين ؟؟
المشاركات
هناك ٢٤ تعليقًا:
مبارك عليك الشهر ياكظماوي :)
في ابيات شعر ابوي كان دايما يقول لي اياها:
يا ابنتي ان اردت آية حسن
وجمال يزين جسما وعقلا
فانبذي عادة التبرج نبذا
فجمال النفوس ابهى واحلى
يصنع الصانعون وردا ولكن
وردة الروض لا تضارع شكلا
:)
مبارك عليكم الشهر
الحجاب مو مقياس
لكن بنفس الوقت تركه مو عذر للي يقولون البنت فلانه سفور بس اخلاقها عاليه زين وين حجابها؟ فرض وتركته ليش نحاول نحسن من تركها للفرض بانها ذات اخلاق عاليه
صج كلامك في بعض المتحجبات ربي يهديهم ويهدينا ادفنو كل قيم الحجاب بحجابهم
مبـــارك علييك الشهــر أخوي كظماوي :]
إيي والله أحلى الله يثبتهم ويهديهم
وأكييد إن النقاب والحجاب ماله علاقه بأخلاق البنت ... أخلاق البنت تكون من التربيه مو من شنو لابسه ولا شنو حاطه :]
والله ما يغثوني إلا هالمتحجبات إلي يسيئون حق الحجاب ما أدري منو طاقها على إيدها وقايلها تحجبي @@
الله يهديهم إن شاء الله
المهم مو هذا موضوعنا :]
الله يتقبل منك قيامك وصيامك وصالح أعمالك
يوبا اللحين انت تصير في خانة المو وتنيين و تقع تحت بند الماده اللي تكفل الحريات
عندنا موظفة ما تداوم برمضان و الله فكة لأن مافي مكياج و اهي سفور و غير هذا المخصر و القصير
يعني فكتنا من شرها و عن نفسي ودي يحولونها للتقاعد المبكر
اذا احد عنده واسطه ترى كلنا بنكون شاكرين له
مبارك عليك الشهر
نجمة علينا وعليج تبارك :)
صح لسانه الوالد اثاريكم عايلة شعرية :)
سنعة بعد ما يحتاج اكيد سنعة فى الحجى :)
اقول الله يهدى الجميع ويستر عليهم
هلاوغلا بيوتيرن :)
ليششششالقطاعة الله يسامحج وعساج من عوادة :)
اى بالله صدقتى التربية هى الى تسنع الولد والبنت
هلا ابو وليد هلا بالزعيم ..ليشششش انا مو وتنىىى والله وتنى حتى النخاع وكل اقول وتنى حبيبىىى
:)
ششايفنى ادافع عن ايران والا ادافع عن ايران يعنى ليشش مو وتنى ى"()*
واما البنت الى تقول عنها فانصحك نصيحة بس سوها معاها عقب رمضان..كل يوم اكسر بيضة خايسة على جامة سيارتها فى المواقف وخل الصفار يدبق قضبة الباب ..شرط اسبوع واحد تلقاها منتقلة شكرة الناقلات :*9
لوووووووووول
صااااااج
شحلاتهم بدون اصباغ :P
و بعدين اذا كانت الوحده متحجبه
و لا متنقبه و لا سفور مو مقياس ابدا
المقياس التربيه و الاخلاق اللي تبتغي
من وراهم رضى ربها قبل الكل و لو
ان السفور ينقصها الحجاب اللي اهو
فرض على المسلمه اتوج فيه اخلاقها.
الله يهدينا و يهديهم لما يحب و يرضى
تسلم خيووو :)
مبارك عليك الشهر
الله يعينك على صيامة وقيامة ويتقبل منك صالح أعمالك يارب
:)
لهدرجة مكياج البنات مسوي مشاكل؟
انا لي الحين انبهر من البنت اللي تتمكيج مكياج كامل الصبح
متى يمدي؟
عن نفسي استغل النومه حتى اللحظات الاخيرة ما افز من نومتي عشان مكياج ابدا
:))
ورمضان فرصه تشوف الوجوه على طبيعتها
وتشوف الناس كلها محترمة هالشهر ومتستره
بس في شي غريب
سئلته حق واحده اليوم
ليش وايد بنات بالدوامات يخففون مكياجهم
ويلبسون عبي
ويحتشمون برمضان
!!
احنا عباد لرمضان
ولا عباد لرب رمضان؟
ربك موجود طول السنة
!!
قلب طفلة :9
صح لسانج يالغالية كفيتى ووفيتى ,والله يهدينا جميعا ويستر علينا
استكانة التكانة علينا وعليج شلونج شخبااارج :)
والله عندى موظفةتتاخر اكثر من نص ساعة خليت مسؤولتهاتسالها ليش تتاخرين تدرين شنو ردت ..؟؟
قالت شنو مايمدينى على مااحط مكياج واتسنع ..!!
تكفين يعنى حق منو تتسنع وتحط مكياج حق الموظفين والا المراجعين ..!!
مبااااااارك عليك الشهر :)
يا اخي انا ما ينرفزني الا اذا البنات بالرمضان هالله هالله
وبعده يعلم الله :)
او شوف البنت قبل الفطور وعقب الفطور
قبل الفطور زاهده الدنيا
عقب الفطور مكياجها صارووووخي
:)
مساكين
ارثى لحالهم
اي والله احلى :)
الله يهدي الجميع
و شكرا لك على البوست
و مبارك عليك الشهر :)
شلالات لا يحوووشج مكياج صاروخى شيطلع هذا لووووووووووول
مكياج حكيمة :)
ههههه
اختى المغتربة حياج الله ونرتى المدونة بزيارتج وعساج من عواده :)
اولشي مبارك عليك الشهر :)
مافي خلاف على كلامك .. انا معاك ابهالنقطه .. لو في ثقه جان اطلعو بدون مكياج .. ياحبهم حق المكياج .. هذا انا مومعناته انا ما احط مكياج لا احط .. بس خفيف مو جني ساحره مثل الي يحطون ومو كل وقت احط .. على الاقل هذيل معاك بالدوام يعني كبار مو يهالو الي اشوفهم بالسوق الي مايتعدى عمرها 12 13 حاطه !!!!!
وين عاد اللى يسمعون ؟ ما يدرون ان السمرة لما تحط حمرة حمرة تصير ام الجكر
ما يدرون الاخضر والازرق والبنفسجي والالوان اللى ما ادري من وين يطلعون فيها ويحطونها فوق عيونهم قاعدين يصيرون لووووووووووووعة
الله يصلح بناتنا وبنات المسلمين ويبعدهم عن هالتشويه البيئي موضوع حيوي حلو
مبارك عليك الشهررر وربي يعيده عليك بالصحه والعافيه مع من تحب :)
يحليلهم والله أول يوم رمضان نص البنات أسلم عليهم وانا مو عارفته والله يطلعلي شكل تآآآآآآآآني بدون المكيااااح ..
أما في ناس تصكها اجازه عشان ماكو ميك أب اشدعوه يعني ..
مرات والله ربي لا يآثمني أقول مسكين الي مجابلها بالبيت كل يوم يشوفها شحلاتها بالميك اب وبرمضان الصدمه الكبرىىىىىىىى الويوه لا تعليق :\
ويح قلبي راح صيامي اليوم بسبتك :a
قوقعة اى والله صح كلامج شفتهم بمركز سلطان والله بالابتدائى وحاطين مكياج ما صدقت عيونى الله يهديهم ويهى اهلهم..تسلمين يالغالية :)
مشارى نورت المدونة يااخوك وصح لسانك
ولا تقاطع يالغالى:)
كويت :)
هلا بالعسل وخفة الدم كلها :)
ه شدعوة ياخذون اجازة علشان المكياج لووووووووول
الحمدلله والشكر والله يهدييييهم ...
يعنى صدمة ريلها مثل صدمة بوعليوى مع سعادعبدالله فى المسلسل القديم نسيت شسمه لما تفصخ كل شى ورموشها وباروكتها لوووووووووووووول
السلام
شوف ياخوي امس وانا اتحاور مع زوجتي عن موضوع البنات ورمضان صدمتني بشغله يديدة قديمة..
في مكيج حق رمضان عبارة عن كريم اساس يخلي الويه طبيعي بس الناس تشوفه شاحب
وفي بعضهم يلبس نظارة "لحيم" عشان يخشون ويوهم وبعض عاد يقتنع بقسمته ونصيبه وتطلع مثل ما اهي يعني في كل الاحوال تخرع بتخرع...
طبعا هالشغلات ما اقدر اتدخل فيها لأنكل حسب تربيته وافكاره..
انا اول مرة ارز ومعكرونة ويهي في مدونتك وقلت فرصة ادعوك للمشاركة في المسابقة الرمضانية عليهاجائزة خصوصا انك كظماوي وبالتالي احتمال كبير افوزك!!!
ودي المكياج دينماركي ونشوف حلات البنت على طبيعتها
إرسال تعليق