انا والتدوين علشان الغالية علبة الوان
المدونة الجكليتة علبة الوان دزت لى هالتاق
وانا اول شى اشكرها وثانى شى اجاوب على الاسئلة
وان شاء الله تكون اجاباى خفيفة على قلوبكم
متى بدأت تدون ؟ و شلون دخلت عالم التدوين ؟
بدوت ادون من سنة 2005
ودخلت العالم هذا وانا احوس بالنت فى الدوام خبركم اكل ومرعى وقلة صنعة والحمدلله
شنو كان انطباعك في البداية ؟
فى البداية كنت افكر هل احد راح يقرا لى وهل القى شى يسوى اكتبه وشنو نوع المقالات الى اكتبها ؟
قررت ان كتاباتى تكون خفيفة ما اتكلم بالسياسة
علشان جذى اعتقد ان كتاباتى ما تعكس شخصيتى الحقيقية يمكن فعلا انا غشمرجى مع الربع واحب الضحك والنكت والدقات لكن المدونة تعكس جانب واحد فقط من شخصيتى ...
من أكثر واحد تهتم بتعليقه علي بوستك الجديد ؟
استانس لما القى اى تعليق يعنى انا ليش كاتب هالمقالات مو علشان الناس تتجاوب معاها وتعلق عليها
واحب اشوف تعليقات ناس جديدة فى مدونتى ..
لكن بعض المدونين والمدونات استانس جد لما يمرون على لسبب بسيط هو انهم كانوا من اوائل الناس الى تعرفت عليهم فى البلوقات مثل ابو وليد العتيبى
وعتيجة هانم واستكانة التكانة وسيلفر رين ( ماادرى وينها ) وكويتيياه ..وغيرهم..
على العموم والنعم فى الجميع
مين اتعرفت عليه من خلال المدونة و نفسك تتعرف عليه في الحقيقة ؟
سؤال صعب شوى ..)
ايه أهم حاجة اتعلمتها من عالم التدوين ؟
ان الحكم على الناس من خلال افكارها واقوالها اصعب من الحكم على الناس من خلال اشكالها ومناظرها لكن فى المقابل هذا الحكم يكون ادق واقرب لمعرفة الانسان..
عسى فهمتوا شى من الاجابة لووووووووول
اشنو أكثر حاجة كرهتها ؟
كرهت الى يتكلمون على الدين والى يدعون للرذيلة ويلبدون ورا الكمبيوتر
الله يهدينا واياهم
ممكن تعطى مثال عن اللي بتحلم تلاقيه ؟
ههههههه شسسالفة اشوف قلبنا سوالف نجلاء فتحى وفاتن حمامة
الحمدلله الى ابيه ملاقيه وانا بخير ونعمة الله يديمها علينا وعلى المسلمين :)
حاسس ان التدوين له تأثير ؟
طبعا له تاثير كبير جدا وفى الكويت وايد مواضيع تم اثارتها عن طريق المدونات واخرها الحملة ضد جريدة القبس الى تبناها ابو وليد ومجموعة من المدونين وكان لها تاثير كبير جدا على الجريدة وتعرفون موضوعها قبل جم يوم ..
كلمة اخيرة ؟
اشكر الغالية علبة الوان على طلبها لى ان اكتب هالبوست واتمنى كل واحد او وحدة يكتبون مقالة فى مدوناتهم يتذكرون ان كلامهم محاسبين عليه وان ظليمة الناس شينة ويبتعد عن ايذاء المسلمين
واخيرا اهدى هالتاق حق الكشتة ام الكشتات والهبات والغيبات
عتييييجة هانم واختها الغالية ام نبيل الى نسمع فيها وما نشوفهااا
وشكرا للجميع
كظماوى وكويتى ومزيون بعد
المشاركات
هناك ٢٢ تعليقًا:
تسلم و ما قصرت لانك ما ردتني
و امبيه
طلعت انت من الرواد الاوائل؟؟
بس ترى اكو سؤال ما جاوبته
تهربت منه
ليش
@@؟
؟؟؟
لا بالدارنكيس شدعوة ما سوينا الا الواجب
عاد مو رواد مرة وحدة ..كنت اطقطق وماخذها وناسة ..
والسؤال الى تهربت منه ما قدرت اجاوب عليه :(
ترى في كلام موطالع عندي مادري ليش .. مقصص الحجي !! بس انا جذي يطلعلي ويلا شنو ؟؟
الكلام صار اوكي الحين :) الظاهر يلعب علاي الكمبيوتر
هلا يفاتو ونورتى المدونة :)
مشكورة على الستعش تعليق الى حطيتيهم باثر رجعى لوووووووول
ترى على فكرة مدونتكم الفيونكات تدوخ لما ادخلها اضيع ماادرى شسسالفة ماكو ترابط بين الشخصيات والمواضيع والله حووووسة :)
ليييييش :( ترى مو بس انا اكتب .. كذا وحده :) لااااااااا لاتظيق خلقي .. جذي انت اتشوف المدونه ؟ محد قالنا هالشي .. انا اشوفها امرتبه وكل موضوع ابروح وكل موضوع ينحط منو كاتبه .
وكل وحده لها شخصيتها .. انا اكتب عن كل شي .. وفي وحده كله تكتب عن الموضه والازياء وفي وحده كله تكتب عن اعيالها ... وهكذا :)
هلا بفاتو ادرى انكم وايد ماشاء الله ثمان الله يجمعكم على خير ويبعد عنكن عين الحسود
بس الدوخة ان فى يوم واحد بوستات ورا بعض ما نلحق على الموضوع وما ادرى على اى واحد علقت ووين راح تعليقى ولووية
يعنى تقريبا جنى داش سوق المباركية بس على كشخة شوى
لووووووووول
لوووووووووووول :) انت دمك خفيف على منو ؟
ايه أهم حاجة اتعلمتها من عالم التدوين ؟
ان الحكم على الناس من خلال افكارها واقوالها اصعب من الحكم على الناس من خلال اشكالها ومناظرها لكن فى المقابل هذا الحكم يكون ادق واقرب لمعرفة الانسان..
عسى فهمتوا شى من الاجابة لووووووووول
حبيت الجواب
لان صج اصعب
فاتو :)
بس عاد ترى اصدق روحى انا مو ناقص غروووور:)
لووووووووووووووول
سنعة نورتى المدونة :)
ردج ثقيل يخررررع
@@ 2005 :|
ما شاء الله ..
كظماوي ناجح و ينقل للصف
اللي يبيه و ان بغى الماستر
لا تردونه :P
اجاباتك حلوه اوي يا اخويه :)
منو اللي ودك تتعرف عليك بالصج ؟؟
لول جاوب ولا نسقطك :)
كويت :)
عسى عينج مو حاااارة
لووووووووووول
قلب طفلة :)
تسلمين والله من طيبج ..ابى دكتوراه ماعليج امر ..:)
شلالات :)
لووووووووول
يالنجرية تبين تسقطينى هااا@!@
سيلفر رين بخير واعتبر سؤالك عنها وصل ^__*
اثريك عتيج من 2005 ههههههههههه ما حسيت والله الايام تركض بسرعه ...:)
خووووش تاق
يسعدني اقولك اني ارتبط بالاشخاص الأولين في حياتي
واللحظات الاولى
وكل شي اول
وانته كنت من اوائل من تابعو استكانة وتفاعلو وياها
ويشهد الله ان كل تعليقاتك تفرحني
:))
الله يحفظك يا كظماوي
فقدناك وايد بفتره انقطاعك
وان شاء الله ما تعودها
وجودك يونسنا
كويتيااااه الله يعافيج مو قديم وايد موديلى للحين ماشى :)
لوووووووووووووووووووووول
هلا وغلا باستكانة التكانة :)
انتى السنعة والغالية والله الله يوفقج دنيا واخرة
إرسال تعليق