قوة يالربع شلونكم شخباركم
طافكم منتزه الخيران..
الاهل حاجزينه ورحت نمت عندهم
عندى سوالف اقولكم عنها بعدين
الحين الصراحة حدى يووووعااان بروح اتعشى
حياكم
فطاير بربر
لووووووووووووول
تحديث على قولتكم
واقولكم عاد رحت الخيران وانا احب الخيران خاصة عقب ما ضبطوها ونظفوا المكان
وخلوه محترم اكثر من ايام قبل ايام الخمة والمجعرة الزايدة
شاليهنا موقعه عجيب بنص الشاليهات والجو وايد حلو مع ان الديرة كانت مغبرة
وبالليل درجة الحرارة وصلت عندنا 34 تقريبا مع النسناس البارد ..
القعدة وااايد حلوة ...
طبعا بالنهار كله نوم لي صلاة الظهر تقريبا
ونقعد بالشاليه لى قريب الساعة خمس وبعدين نطلع شوى اما نتمشى واما نروح المسبح
مسبح كبر حق الجميع ويصلح لما نودى اليهال معانا
اما الروضتين فاوقات حق الشباب واوقات حق البنات ..
الاهل لما راحوا الروضتين يقولون شافوا هوايل من البنات..
علبوا كلهم بنات مع بعض ماخذين راحتهم بلبس السباحة بكل اشكاله..
المغربية نطلع الطاولات والكراسى ونقعد بالحديقة شاى ونسكافيه وقهوة عربية وحب شمسى ومجابلين بعض سوالف لما نشبع علينا بالعافية عاد مو تصكونا عين
لوووول ماشاء الله
الثيل الاخضر عجججيب ونظيف واليهال حوالينا بالقوارى او يلعبون كرة ..
لى صار الليل بعد العشا الصلاة والاكل
نلعب جنجفة
طايحيله اونو
وساعات نلعب الباشة الخايسة
ماادرى تعرفونها والا لا ..
لللللللووول
فى اماكن ثانية هم حليوة وتونس
بالليل كلش ساعات نسبح بالبحروساعات نحدق على اليال
ونروح المارينا فيها مطعمين
وقهوة وهم برد الباسكن..
طبعا فيه صالة العاب كبيرة وفيها شرمبى لكنى مااحب شرمبى احسه يغث وصلصته تلوع جبدى ..
الى يحبون يسوقون قوارى ياجرون والى يبون يركبون الحنطور يركبون والى يبون يخمدون يقعدون بالشاليه ويخمدون لما تطلع النومة من خشوومهم
لووولل
طبعا الاشكال الى فى الخيران نفس الاشكال الى تشوفونها فى السوقة والجمعيات
البنات كلهم لابسين طقة وحدة
ماادرى شسالفتهم
بلوزة طويلة وتحتها جينز او بنطلون وفى شغلة هابين فيها انتوا يالبنات
يسمونها الليجنز .وهو هيلاهوب ضيج وستريش بس مرقعينه مغيرين اسمه
فى بنات يفتهمون شوى ويلبسون بلوزة وبنطلون وساع مرحوم والدينهم على الاقل
وفى بنات يمالهم البقارة بنطلون ضيج والبلوزة قصيرة وضيجة بعد..يعنى ماادرى مايشوفون روحهم قبل لا يطلعون والا هم صخول الله اعلم
يعنى هلاقة مطورة وقلة حيا بعد لكن الشرهة مو عليهم على امهاتهم الى ما يفتهمون
الشباب نفس الشى يوم هابين بالتقرع وحك الشنب
ويوم هابين بالكشيش وعرف الديج والله ماادرى شسالفتهم
المهم انى الحمدلله استانست مع الاهل بهاليومين
وان شاء الله كلكم تستانسون بعطلتكم..ونشوفكم على خير
كظماوى وكويتى ومزيون
طبعا الصورة هذة بحر الخيران وقت الشروق الساعة 5 الفجر والعادة احنا نسهر لى الفجر وبعدين ننام
وشكرا لتلفونى العزيز نوكيا على مشاركته معاى
لووولل
المشاركات
هناك ١٧ تعليقًا:
عليك بالعافيه
و يلا ننطر سوالف الخيران اللي طافتنا
:)
هلا بالداركنيس ومنورة البلوق يالغالية
شوفى المقالة كملتها :(
واااااااااااااااي شوقتني عالخيران :××
عليكم بالعافيه =)
برونزية الله يعافيج بس لايطوفج وناسة حده :(
مادري ليش حسيت بالبدايه انك لايعه جبدك وقاعد تتطنز واخر شي بتقول كان كل شي فاشل
بس ماشالله لي الاخر وانت مصر ان كل شي تمام وحلو
وانشالله دوم يعني :q
هلا بسيليزيه :)
بالعكس انا احب الخيران خاصة مع يمعة الاهل والتمشى والتعشى الحمدلله خير الله يبارك لنا فى ديرتنا ويحفظها من كل شر
أوووووف الخيران عجيب بس الله يهداهم لو يبطلون مطاعم أكثر يعني يكون في تنوع والواحد ما يتملل من شرمبي بصراحة أنا أحب شرمبي بس عاد الواحد ما بياكل منه كل يوم ..ما أدري شسالفتهم لي ما يطورون فيه ؟؟؟؟
إحنا إنشاء الله حاجزين على اسبوع الياي يار بيكون الجو حلو ونستمتع :)
وعليكم بالعافيه والله يجمعكم دوم عالخير ولا يحرمكم من بعض :)
عليكم بالعافيه :]
والله شكلها خووش أجواء عندكم :]
وعلى طاري اللغينز ما أدري اللقيينز :p
ايي والله صاج لا حيا ولا مستحى @@
يالله الله يستر عليهم
بس تصدق مشاء الله علييك موهوب ... تصلح تصيير مراسل :]
الصراحه معني ما أحب الخيران كلش !! بس شكله وناسه
على العموم كل مكان فيه يمعه وناسه :]
ويعطييك العافيه
وعساك على القوة على هالتغطيه :)
انا داش اشوفك من وين طلعت بعد غطتك ذيك
المهم الحمدلله على السلامة
و الخيران ترى من بعد التحرير ما طبيته
ام مود هلا وغلا نورت المدونة :)
وان شاء الله تستانسون بطلعتكم يارب
يوتيرن هلا وسهلا وشكرا على الكلام الحلو صج اصلح مراسل :)
والله الى محلى الخيران يمعة الاهل وانت الصاج
ولا تقاطعنا يالغالى :)
بو وليد يا هلااا والله شلونك يالزعيم
انا حى ارزق ولله الحمد بس شوى صرت حلى من هالشمس
لووووووووووووول
:)وسالفة انك مار حت الخيران يعنى انك لا زلت تعانى من مرض العزوبية مع انى اعرف انك عالجته قبل سنتين
لووووووووول
ما شاء الله عليكم بالعافيه
يا مراسلنا الكظماوي :)
هلا بالغالية قلب طفلة وتسلمين الله يعافيج :)
يبيله...:)
شخباري الليجنز والا السكيني
;PpP
كويتياااه
هلا فيج والله :)
على قولتج شخبارى بس عاد احنا شعرفنا انتوا يالبنات ابخص :)
عليك بالف عافيه .. والله شوقتني .. صارلي 3 اسنين مورايحتله
إرسال تعليق