البنت الحلوة ...والا البنت الذكية ..؟؟

معاى فى احد المحاضرا ت مجموعة بنات ..محترمين نفسهم ومافيهم طفاقة ..

لفتت نظرى وحدة منهم بنقاشها مع الدكتورة ...ذكية وعندها منطق وتعرف تتحجى عدل..مو مثل بعض البنات الى كلمتين على بعض ما تعرف تركب او بس تكعكع بالمحاضرة ..

البنت ذكية واذا تكلمت ودك تسمعها ..لكن شكلها مو زود بالمرة ..متينة اكثر من اللازم ..وجسمها كبير يثلة يعنى ..

بينى وبين نفسى اقول مسكينة راح تنظلم لان الناس راح تحكم على شكلها ...لكن لو يسمعونها تتكلم يغيرون رايهم بادبها ومنطقها الحلو وذكائها ...

ياترى الى يبى يتزوج يفكر ان يتزوج وحدة حلوة ..او وحدة ذكية ..؟؟

طبعا االى تجمع الصفتين احسن واكيد موجودة وبكثرة ..لكن لو تعارض الذكاء والجمال ..من يختار الشباب ..؟؟

ما احلى الرجوع للمدونة مرة ثانية

السلام عليكم سنة الا شهر بالتمام والكمال انقطعت عن مدونتى ..

كل مانويت اكتب اهون..

كل ما دشيت ولقيت عتوج غايبة يضيق خلقى واطلع..

بس الحين قررت اعود لخدمة الوطن والمواطن طايح الحظ..

واستجابة لنداءات المخلصين من امتنا العزيزة والشعب الابى والامى ..

ايها المدونة الدايخة ...عدت اليك من قديم ...

اتمنى افضفض واعلق واكتب واشخبط على هواى ...

اهلا بكم من جديد...

كظماوى وكويتى ومزيون ..