يارب توفقنى

السلام عليكم

قوة شلوووونكم

ادعولى يا جماعة

عندى مشروع كبير بادى فيه صارلى اسبوعين

قولوا يارب يوفقنى ويتم على الاخر

ماخذ وقتى كله

الصبح والعصر وبالليل

مليت وانا استاذن من الدوام

مشاوط كل يوم

حولى الديرة الفروانية شرق

حدى متوتر ابى اخلصه على خير

وان شاء الله اذا صار راح تكون نقلة كبيرة فى حياتى

قولوا يارب اكمله على خير واحقق الى ابى اسعاله

مشكورين مقدما

كظماوى وكويتى ومزيون

هذا الكاس يلمع

مبروك يالكظماوية

ردينا لهم الصاع وخذينا كاس الخرافى

والله فريقنا السنة غير

هذة ثانى بطولة هالموسم

والخير بالطريج

نتقبل التهانى ههنا

**************

سعود..وعبير

سعود وعبير عيال خالة ..سعود اكبر من عبير بسبع سنوات تقريبا
علشان جذى ماكان فى علاقة كبيرة بينهم وهم يهال ..
كبروا الاثنين سعود دخل جامعة الكويت وعبير للحين بالمتوسطة ...
بعد اربع سنين سعود تخرج من الجامعة وعبير للحين بالثانوية ..
كانوا يشوفون بعض فى لقاءات عائلية الامهات يزورون بعض والعيال يشوفون بعض
لقاء اسرى بين فترة واخرى..وكانت عبير بنت حلوة وخلوقة وراكدة ....
سعود بعد التخرج قرر يكمل دراسته بره الكويت ..
وفعلا درس خمس سنوات ورجع معاه الدكتوراه ..
عبير بهالوقت دخلت الجامعة سنة ثانية ..
بعد مارجع سعود التقى مع عبير فى مناسبة عائلية معتادة
..كبرت البنت وزادت جمال واخلاق..
وسعود كان متخذ قرار انه يتزوج بعد حصوله على الدكتوراه..
سال سعود خواته اكثر عن عبير ومدحوا البنت واخلاقها ..
ذاك اليوم كان سعود يقدم اوراقه فى الجامعة فقال فى نفسه خل اشوف عبير يلقى القاها فى الكلية ..
وفعلا كان يمشى فى الممرات وشافها لابسة لبس سنع ومحتشم وتمشى مع زميلاتها
ومبينيين انهم بنات حمايل ومحترمات ..
تم سعود جم يوم يفكر فى الموضوع بين وبين نفسه

ولما شاف ان الفرصة مناسبة وان عبير تصلح له..

صلى صلاة استخارة وتوكل على الله سبحانه

وفى باله انه يقول حق امه تخطب له بنت خالته عبير..
بعد الغدا قال سعود حق امه يمه يالغالية ابيج بموضوع صغير..قالت له عيونى يااغلى دكتور فى الدنيا ..بس قبل اى شى انا بعد ابى اطلب منك شغلة صغيرة بس ابيها بسكات ولحد يعرف..
استغرب سعود قال خير يمه امرينى ..؟؟
قالت اليوم خالتك فلانة ( ام عبير ) اتصلت فينى ..قالها خير ان شاء الله .. قالت له خير ..عبير بنتها ..
اعتفس سعود وقال شفيها لايكون صار لها شى ..قالت له امه لا ياوليدى ماكو الا الخير..بس خاطبها واحد ويبى يتزوجها ويبونك انت تسال عنه لانه يقولون دارس معاك بره ...
................... ............... ............

عزيمة عرس من وحدة بيعارية

قوة شلونكم كلكم ..هذة بطاقة عرس دازتها وحدة معصبة وبيعارية حق المعازيم ..عاد شتقول هالحرمة النسرة القشرة اااه منها ..؟؟

***********************************

تقول ياجماعة الخير

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

عرسنا يوم الاثنين

الزفتة الى راح تجى لا تتاخر ..والى ما تبى بجهنم الحمرا

والحيوانات الصغار عيالكم ينثبرون ببيوتهم لا تيبونهم والا تتهزؤون انتوا واياهم

والى اصيدها معاها تلفون ابو كاميرا بكسر التلفون على راسها..مالت عليكم وعلى الى يعزمكم ..

لووووووووووول

فى حريم مصرقعات جذى ..

دعايات وقحة ..!!

شلونكم كلكم

احنا عادتنا اذا تغدينا يوم الخميس

نتغدى مع النسايب واخوانى وحريمهم

بس غدا الحريم بصوب وغدا الرياييل بصوب

بعد الغدا نشرب شاى وقهوة والحلو كلنا مع بعض بالصالة الكبيرة ..

ذاك اليوم انا الشاب الوحيد الموجود..الباجين خواتى وحريم خوانى

طبعا الى لابسه حجاب ماتقط حجابها

قناة mbc

تعرفونها كلكم وعلى فكرة صار لها مدة فاصلة هالقناة سواء التو او الفور او الاكشن

رفعوا مستوى الانحطاط فى اللقطات..

المهم حطو دعايات والا دعاية تفشل الصراحة..

ابى افهم القناة مافيها احد يفكر مافيها احد يفتهم مافيها اوادم سنعة ..؟؟

دعايتين واحدة عن الفياغرا( مسمار ينطق بالطوفة وماينكسر) ؟؟

والثانية عن ( سورى يا جماعة ) الالويس

يعنى شنو فكروا لماحطوا هالدعاية وحدة تنط على القنفة وتركض بالحديقة وهى تضحك ومستانسة

الصراحة

دعاية وقحة..وفعلا شى بايخ

يعنى كل شى له دعاية ما فى ذوق عام ...

مافيه مشاعر المشاهدين

الاثول الى فكر بالدعاية ماعرف يحطها على الاقل تالى الليل

...حاطها الساعة 2 والناس متيمعة على الغدا

ماعندى تعليق اكثر ولحد يتضايق من ها البوست لانه صج صج منبطة جبدى من هالوقاحة والبياخة مالت

الام بى سى وشلتها

باختصار...انا رديت للبلوق والبلوق رد لى :)

السلام عليكم

شلونكم كلكم

ماادرى شيانى بالصيف بشهر 8 وقررت احذف البلوق

حذفته وسافرت..

لما رديت نسيته لكنى كنت اطل على البلوقات

وايد بلوقات راحت مو بس بلوقى

البنات الى راحوا اكثر طبعا لانهم تارسين البلوقات

وفى بلوقات جديدة طلعت

بس بصراحة

البلوق الوحيد الى ماقدرت اقاطعه

بلوق عتيجة

..

فقدت نجرتها

...

مثل ما قررت فجأة الغى البلوق

الفجاة يتنى الحين وقررت ارد البلوق

واوعدكم وعد

ان هذة مو اخر مرة الغى بلوقى..

اتوقع الغيه مرة ثانية

ودام ان تسكيرة البلوق وفتحته ببلاش

مال عمك لا يهمك

..

انا مشتاق اسولف ويا ناس مااشوفهم ولا يشوفونى

مافى مجال حق المجاملة..الزايدة..

اكلم اى انسان كبير صغير بنية ولد كويتى عيمى عادى مافى اى حرج..

محد يشوف الثانى ولا يهتم لشكله ولا اصله ولا فصله...

لو بكلم شاب مثلى اول شى اشوفه شكله اذا عجبنى شكله واسلوبه وهيئته ممكن افتح معاه..

البنات الحمدلله عمرى ماكلمتهم..لكن افترض ان الى يكلمونهم يدققون على الشكل

..هذا الى اظنه..والا ليش واحد يكلم وحدة جيكرة

وعلى طارى جيكرة..تذكرت موضوعى ليش بنات الجخ جياكر

طبعا عتيجة زعلت وعصبت من هالحجى

وهذا يعنى انها اما بنت جخ او انها جيكرة..

وانا متاكد انها تحمل صفة وحدة من هالثنتين وهى الى تبدى بحرف الجيم...

وباى يالغاليين

لحد يزعل ..

وحياكم الله ببلوقى الجديد القديم..

كظماوى وكويتى ومزيون بعد