معاى فى احد المحاضرا ت مجموعة بنات ..محترمين نفسهم ومافيهم طفاقة ..
لفتت نظرى وحدة منهم بنقاشها مع الدكتورة ...ذكية وعندها منطق وتعرف تتحجى عدل..مو مثل بعض البنات الى كلمتين على بعض ما تعرف تركب او بس تكعكع بالمحاضرة ..
البنت ذكية واذا تكلمت ودك تسمعها ..لكن شكلها مو زود بالمرة ..متينة اكثر من اللازم ..وجسمها كبير يثلة يعنى ..
بينى وبين نفسى اقول مسكينة راح تنظلم لان الناس راح تحكم على شكلها ...لكن لو يسمعونها تتكلم يغيرون رايهم بادبها ومنطقها الحلو وذكائها ...
ياترى الى يبى يتزوج يفكر ان يتزوج وحدة حلوة ..او وحدة ذكية ..؟؟
طبعا االى تجمع الصفتين احسن واكيد موجودة وبكثرة ..لكن لو تعارض الذكاء والجمال ..من يختار الشباب ..؟؟
المشاركات
هناك ٩ تعليقات:
عجبتني هالبنت اللي ذكرتها
الله يوفقها و يزيد بنات
الكويت عقل و ثقل و جمال :)
و سؤالك موجه لربعك
الشباب بس بما اني حشريه حبتين *_*
بقول اللي اشوفه بختيارات
الشباب للبنت طبعا الاغلبيه
يبونها حلوه شكل و ينسون الحشوه
اللي اهي الروح و العقل عقبها
ينصدمون .
و الاقليه الله يزيدهم يهمهم
الابقى و الانقى الروح و العقل
و لا الزين غسال ايدين و زايل .
دمت بود
هلا بقلب طفلة ونورتى المودونة :)
مشكلة الحكم السريع على المظهر والشكل..عقب الزواج يكتشف انها ماتصلح ولا تنفع وتصير المشاكل بينهم ..ونفس الشى طبعا للبنت..
الاختيار الصحيح هو الحل ..وتسلمين
:>
وايد نشوف من هالنمط
تلقاها حلوة وجميلة ورشيقة
لكن ان تكلمت ماكو منطق او حتى اسلوب
وهني الطامة الكبرى
والثانية منطق واسلوب لكن متينه
وشبابنا مهم عندهم ميزان الرشاقة
وهذا شيء واقعي
لو الشباب يحكمون عقلهم شوي بيختارون
الافضل لهم
واتمنى من كل البنات يهتمون بصحتهم
مو عشان الرشاقة والجمال
عشان الصحة
وانت يا كظماوي ما قلت لنا الجواب
ونبي بصراحة
انا بصراحة تعجبنى البنت الذكية لكنى اعتقد ان معيار الجمال لا بد يكون متوفر يعنى مو شرط حلوة حيل لكن على الاقل تكون مملوحة ومقبولة ..
لا تنسين الزوج عشرة عمر مو اسبوع :)
ذكية وعندها منطق وتعرف تتحجى عدل..مو مثل بعض البنات الى كلمتين على بعض
شكرا شكرا كل هذا المدح لي انا
الكل بيقولك الذكية و البعض بيقولك الاثنين
ولكن الواقع يقول الجميله الغبية جدا
:) هاه شلون شغل الجابرية مال الانتخابات حتى براحه فاضيه ماعندكم اللي حاط ورى البانزين واللي حاط قبال الجمعية واللي حاط فوق بيته بيت
اش هالهلاقه
ههههههههههههههههه
انتخبوا
نامي النامي
يا عمي استرييييييح
اتفق معاك وايد ناس يحكمون على الظاهر ومايقيمون الشخص على مستواه ومايشوووف شنو داخله من فهم وتوعيه واخلاق
الله يوفقها بس صدقني في ناس يهتمون للجوهر الداخلى بغض النظر عن الشكل
ومثل مايقولون المظاهر خدااااااعه
بس اغلب الشباب يهتمون للشكل فقط لاغير
مريت اليوم عليك وسيرت على مدونتك بشوف جديدك فقلت ماعليه اغتنم الفرصه واسلم عليك ياخوي واسأل عن اخبارك
وين الشباب خن اسمع رايهم .. ودي اعرف :)
إرسال تعليق