السلام عليكم شلونكم شخباركم صار لى موقف محرج حددده فى الدواممم
اول شى علشان ما تخربطون انا اشتغل وادرس وان شاء الله اخلص عن قريب جدا...
عندنا موظفة فى الدوام بنت ناس الله يستر عليها كبيرة مو صغيرة ( اكبر منى وايد) وعلاقتى معاها علاقة عمل واحترام اذا صار فى اجتماع اوفرق عمل او شى من هذا نلتقى..الموظفة صارت لها مشكلة فى الدوام وتناجرت مع المدير العام طولت سالفتهم قامت وقدمت شكوى ضده تمت القضية مدة طويييلة حيل واخيرا طلع الحق معاها وعطوها الى تبى ..شفتها عند مكتب واحد من المسؤولين لا اراديا جان ابارك لها واقوم واسلم عليها بيدى وهى الاخت بعد مدت ايدها وصافحنا بعض...
اول شى انا اعتقد ان مصافحة الرجل للمراة الغريبة عنه حرام وهذا شى ما اناقش فيه والحمدلله..
الشى الثانى علاقتى معاها اصلا رسمية مو لى هناك بس ماادرى شلون سويت هالحركة ماادرى ليش مستانس ان رجع لها الحق او شى ثانى بس التصرف كان حده تلقائى وعفوى ..
طبعا هى سفور ومرة كبيرة واعتقد ماعندها مانع تصافح الرياييل لكن اكيد استغربت منى هالتصرف
..التفسير الوحيد الى يمكن ان يطوف هالسالفة
انى حسبتها مثل خالتى او اختى الكبيرة بس عاد اقدر اقولها هالشى جان تكفخنى بالطفاية الى على مكتبها لووووووول
..على العموم اعتقد الموقف بايخخ حده وان شاء الله ما تطبون بمثل هالمواقف
المشاركات
هناك ١٩ تعليقًا:
النية طال عمرك
و اهي لو ما تبي تصافحك و تشوفك كا زميل اوو هذا اهو الشعور ما كانت صافحتك
و تكتفي بهز راسها و كلمة شكر و ابتسامه
فقط
انت شعورك اهو اللي قادك و نيتك الطيبة
فقط لا غير
على فكرة انا ماني مسلم عليك بايدي
:)
لووووووووول أنا ماعندي مشكله أصافح :)
حتى اهني بره الكويت مرات تصير مواقف يعني والاجانب على طول يمد إيده بيصافح وأمي ما ترضى تصافح فعلى طووووول أمد إيدي أنا لوووووووووووووووووول شكو مادري D:
خو حرام ادقرهم بالذات الدكتور يعني يا حلاته بروفيسور وكاشخ ماد ايده حق المريضه والمريضه الله يهداها أمي تقوله انا ما أصافح حدها تكسر فيه فليش عاد على طول كووويت ترقع الموقف :a
اشرايك بمره أتذكر دخلت بيت يدتي وخال ابوي موجود وعمامي كلهم جان أدور أسلم على الكل ومن الثواله من كثر ما افتر راسي الحمدلله والشكر ما انتبهت إن من ضمن الي سلمت عليهم ولد ولد خال ابوي ( أكبر مني بسنتين ) كان توه راد من أمريكا يدرس هناك وانا حدي ناسيه شكله وقاعد وسط عمامي جان اسلم عليه وابوسه ولما عديته جان أفطن ان مو عميييييييييييي :|
ويح قلبي يومها ما تترقع شلت شلايلي ورديت بيتنا D:
هلا ابو وليد وغلا نورت المدونة يا زعيم :)
النية صافية ان شاء الله والفعل غير مقصود وهى بحسبة خالتى
وبعدين ليش ما تسلم على لوول
شرط لى شفتنى وشفتك خشومنا تباوس
لوووووووووووول
كويت لوووول انتى مخطورة ماراح اتعرف عليج :)
شكوو تسلمين على البروفسور على قولتج اببوج خالج عمج كوجا مرحبا:*&*
وبعدين شنو تسلمين على الولد كبرج لا وبايستتتته بعد هيييو هييييو وين قاعدين :(
لووووووووووووووووووول
هذا الموقف ما تنسينه لما يحت شعر راسج...
بس مصافحة المرة للريال حرام اذا كان غريب عنها
لوول موقف مليق حده ..ساعات صج الواحد يسوي أشياء وعقب يفكر أنا شسويت ....وما عليه تعيش وتاكل غيرها :)
سالفتك اهون من سالفتي اذا انت يت على التسلم بالايد .. انا مره كنت ابيت يدتي وعمامي قاعدين كلهم يم بعض وقاعده ابوس واحد واحد وفجأه جان ابوس زوج عمتي .. حدددددددييي انحررررججججت .. ويهي صار اححححححححمممممممممررر .. والكل ضحك علاي :)والمشكله ماستوعبت من البوسه الاولى .. من البوسه الثانيه استوعبت :)
انا عقب كتبت تعليقي جان اقره تعليق ( كويت ) اطلعت نفس السالفه :)
على قولتهم تحصل في اكبر العوائل :)
@@
اشوف قطيت الميانه معاها؟؟
هههههههههه
<<< تطفرك
ام مود:)
ان شاء الله ما اكل غيرها يا معودة
لوول
فاتوو لول
والله اتوقع منج جذى ههههههه
قوقعة نورتى المدونة:)
اى مو احنااكبر العوايل لوووووول
داركنيس ها بدينا بالتحرش والشماتة
:)
لوووووووووووووووووووووووووووووووووووووووووووووووول
إيي والله فشــله
بس دامها كبيره أكييد طوفتها:d
بس ترى ساعات تصير مواقف غصبن علييك تصافح :]
مره كنت رايحه أكلم دكتور وأول ما دخلت سلمت الحبيب مدلي إيده خفت أقوله إني ما أحب أصافح يفهمني غلط وأحرجه
مدييت إيدي وأنا أرجف لوووووووول وصافحته :d
:] بس حط بالك مره ثانيه
سهالات موقف و يروح ..اسالني عن المواقف المحرجة ماركة مسجلة باسمي اصلا
مرة داش بالغلط على حريم يصيرولي و مو متحجبات من كثر الصدمة واقف بمكاني ماني عارف شسوي لما صارخوا علي
بالله مو موقف بايخ هذا ):
يوتيرن اكيييد فشله وباحط بالى بعد ..:)
اصلا طول عمرى حاط بالى بس هالمرة نسيت احطه لوووووووووووول
متفائئل
لووووووووول
تنحت يعنى ههاههههه
ماعليه سالفتك جايدة :)
بحكم عملي مع وايد مصاروة و مستشارين
انحرج وايد
كلهم ملاقييييييييييف
يمدون ايدهم
وانا ابتسسسسسسسم و ارد اقولهم
سووووووووري ما اصافح!!
تخيل لو هالمديره مسويه فيييييييييك هالدقه!
صح موقف بايخ .. :)
بس لا تحاتي أولا . المره تقول كبيرة و ما راح تاخذ في بالها .
ثانيا . أبين شكلك عفوي
فا عادى طاف :)
إرسال تعليق