قرت عينكم بردتى للكويت
....والله ودى اسافرطول الصيف وما ارجع لما اطلع الى بيافوخى كله...
شحلاة السفر ..خاصة مع الربع..
مع الاهل اذية ومحاتاة وانت المسؤول ودير بالك على الحريم
وضبط التكسى وروح معاهم السوق واليهال يبون الحمام لووووووووول
مع الربع شد حيلك تصرف المهم انت لابس الجنز وفلوسك معاك
والى يضيع يرد السكن وفامالااه
لوووووووول...
الجو وايد حلو..درجة الحرارة بالعشرينات تقريبا..
غيم وحاشنا شوية مطر..وكانت مباريات اليورو بنفس الايام
حماااس حد الحماس...احسن شى سويته انى ما يبت صوغة حد احد
.قلت حق الاهل كلهم قبل لا اروح ترى هالسفرة ماكو صوغة...
انا فاضى اشرى وادخل المحلات..كان معاى واحد ذبحنى كل ما مرينا على محل جواتى - تكرمون - قال خلنا ندش ويتمقل فيهم ويقايسهم ويمدح فى الجواتى جنه بينام معاهم...
اخر شى يطلع من المحل ولا يشترى حتى دلاغ...هههههههه
المهم الواحد غير جو هالجم يوم والحمدلله وان شاء الله لى نية اسافر بعد مرة ثانية بعد اسبوعين ثلاثة اذا ضبطت الامور...بس هالمرة مع الاهل...دنددرررن ..راح اسمى السفرة ..( اليهال يبون الحمام ) لوووووووووول
مكشكورين كلكم على السؤال وعلى الاجابة بعدومشكورين انكم مانضلتونى وسافرت وماطاحت الطيارة ..وعتوج لا تبربرين وايد..مشروعى جاهز واقرى التعليق فى بلوقج..
سى يو ماى فريند :)
المشاركات
هناك ١٥ تعليقًا:
السلام عليكم
و الحمد لله على السلامه
نورت الكويت
:)
اي و الله
الحمدلله على سلامتك :)
نورت الكويت و نورت بلوقك
هالمره دقرتنا ماكو صوغه
السفره اليايه نبي صوغه لا تحاول
توزعنا و تحط اعذار :P
داركنيس الله يسلمج ونورت باهلها :)
قلب طفلة الله يسلمج
لا تحاولين انا ما ينقص على صوغة ماكو..الا فى حالة وحدة تعطينى الفلوس وانا اشترى ولى عمولة بعد:(
الحمدلله على السلااااامه
انزين قرطاس ياخوي مايبتلنا
على العموم اهم شي انك استانست
والله يعينك على السفره اليايه بس هم استانس :)
نورت الكويت ونورت البيت
نورت عالمنا ومكانك يا خوي
الحمدلله علي السلامه يا خوي
اشيبتلي نعاك من هناك؛)))
تحياتي :))))))))
شيومة حيا الله الكندرية تسلمين وان شاء الله تستانسين انتى بسفراتج وقعداتج دوووم :)
صباااا
منوورة باهلها والله والصوغة انسى مالج امل
لووووووووول
الحمدالله على السلامه
وين مسافر هالمره ؟
هلا بالشلالات كلها :)
ونور البلوق..سفرتى الياية ان شاء الله دبى..:)
الحمدلله على السلاااااامة
نورت الكويت والبلووق
:))
توه ما نورت الكويت
وان شاء الله تكوووون على طووووول هـ الوناسه على شفاتك وقلبك :)
السلام الحمدلله على السلامة والله يعينك على سفرت"اليهال يبون الحمام"
مدونة حلوة وممتعه
وتحياتي لك
حيا الله الكظماوية بنت عمى :)
زين زادوا الكظماوية ..ومشكورة على الطلة الحلوة
بانغ بانغ..من ذوقك الحلو..ونورت البلوق
حمد الله على سلامتك :) الصراحه انا حبيت بلوقك .. لأن مثل ماقتلك دمك خفييييييييييييف .. انا من النوع الي من اشوف بلوق في كلام وايد.. ما اقراه ..بس بلوقك الصراحه ماشاءالله عليك والا كلمه اطوفها :)
إرسال تعليق