سعود وعبير عيال خالة ..سعود اكبر من عبير بسبع سنوات تقريبا
علشان جذى ماكان فى علاقة كبيرة بينهم وهم يهال ..
كبروا الاثنين سعود دخل جامعة الكويت وعبير للحين بالمتوسطة ...
بعد اربع سنين سعود تخرج من الجامعة وعبير للحين بالثانوية ..
كانوا يشوفون بعض فى لقاءات عائلية الامهات يزورون بعض والعيال يشوفون بعض
لقاء اسرى بين فترة واخرى..وكانت عبير بنت حلوة وخلوقة وراكدة ....
سعود بعد التخرج قرر يكمل دراسته بره الكويت ..
وفعلا درس خمس سنوات ورجع معاه الدكتوراه ..
عبير بهالوقت دخلت الجامعة سنة ثانية ..
بعد مارجع سعود التقى مع عبير فى مناسبة عائلية معتادة
..كبرت البنت وزادت جمال واخلاق..
وسعود كان متخذ قرار انه يتزوج بعد حصوله على الدكتوراه..
سال سعود خواته اكثر عن عبير ومدحوا البنت واخلاقها ..
ذاك اليوم كان سعود يقدم اوراقه فى الجامعة فقال فى نفسه خل اشوف عبير يلقى القاها فى الكلية ..
وفعلا كان يمشى فى الممرات وشافها لابسة لبس سنع ومحتشم وتمشى مع زميلاتها
ومبينيين انهم بنات حمايل ومحترمات ..
تم سعود جم يوم يفكر فى الموضوع بين وبين نفسه
ولما شاف ان الفرصة مناسبة وان عبير تصلح له..
صلى صلاة استخارة وتوكل على الله سبحانه
وفى باله انه يقول حق امه تخطب له بنت خالته عبير..
بعد الغدا قال سعود حق امه يمه يالغالية ابيج بموضوع صغير..قالت له عيونى يااغلى دكتور فى الدنيا ..بس قبل اى شى انا بعد ابى اطلب منك شغلة صغيرة بس ابيها بسكات ولحد يعرف..
استغرب سعود قال خير يمه امرينى ..؟؟
قالت اليوم خالتك فلانة ( ام عبير ) اتصلت فينى ..قالها خير ان شاء الله .. قالت له خير ..عبير بنتها ..
اعتفس سعود وقال شفيها لايكون صار لها شى ..قالت له امه لا ياوليدى ماكو الا الخير..بس خاطبها واحد ويبى يتزوجها ويبونك انت تسال عنه لانه يقولون دارس معاك بره ...
................... ............... ............
بعد الغدا قال سعود حق امه يمه يالغالية ابيج بموضوع صغير..قالت له عيونى يااغلى دكتور فى الدنيا ..بس قبل اى شى انا بعد ابى اطلب منك شغلة صغيرة بس ابيها بسكات ولحد يعرف..
استغرب سعود قال خير يمه امرينى ..؟؟
قالت اليوم خالتك فلانة ( ام عبير ) اتصلت فينى ..قالها خير ان شاء الله .. قالت له خير ..عبير بنتها ..
اعتفس سعود وقال شفيها لايكون صار لها شى ..قالت له امه لا ياوليدى ماكو الا الخير..بس خاطبها واحد ويبى يتزوجها ويبونك انت تسال عنه لانه يقولون دارس معاك بره ...
................... ............... ............
هناك ١٩ تعليقًا:
يا شين هالمواقف
:\
يعطيك العافية
محاولة بريئه منك بس الختام كان شي غير متوقع من الاخ سعود يعني لو خاطبها وبعدين مشغل نظام كونان كان وايد احسن من هالحركات بحكم معرفته المسبقه بالبنت
تدري عاد انها تصير وباحسن العوايل بعد
تحياتي
الاثير..شفتى الدنيا شلون :)
مجنونة :)
الله يعافيج ويخليج
حلوة البريئة :)
الحين ماينفع التحسر صارت السالفة خلاص.."(
يحليله سعود وايد برئ يسافر ويرجع ومحد في باله غير بنت خالته ....والله مسكين اعتقد ان اللي مثل سعود شويه بهالديره ...
يحليللللللللللله قوله ترى في خوش بنيه معاي بلبلوق بوست بس عيبها انها صغيره
طعش سنه
وعيبها الثاني ان ما عندها لسان
:{
يبا ما عندك جمهور غيري نزل الجزء الثاني طاف ثلاث ايام فقير انفتت جبده هلسعود ...وعبير ما تدري وين الله قاطها المهم ريل والسلام عشان تلبس دبله الماص بالجامعه جنى صج ...وهي خنتي حيلي ما عندها غير هالعباة الاسلاميه اللي شاريتها من ليلى قلري من اول ما دشت الجامعه ... فتبي تستانس ...
بكمل انا عنك
قالت ام سعود حق سعود اسأل لنا عن مناور ..طبعا سعود ما يعرفه و موتخصصه ومو دفعته وطلع اهوه اب ممفيس ومناور بفرجينيا جان يقول حق امه ...ترى الولد ما يصلح راعي خرابيط ....
والفشله ان ام عبير اكشتت بسؤال سعود لأن سعود من عمر الدنيا رقله وما ينوخذ منه حجوه وملجت عبير على مناور ويابت ولد وسمته سعود قالها مناور شكو تسمينه سعود وطلقها ... واهم شي خذى منها الدبله الالماص لأن خاف تكشفه لأن الدبله تقليد شاريها من لبنان وتزوج سعود عبير ...وقامت عبير تناديه بالبيت سعوووووود يرد ولدها جان يقول لها يا تغيرين اسم ولدج يا اطلقج
عيت عبير تغير اسم الولد جان يطلقها ...انهارت عبير ودشت امراض نفسيه مو عشان طلقها سعود عشان درت ان الدبله تقليد
وخلصت وملصت ويت الديايه وعنفصت
ويع:(
مو خوش دقة
بس لو من سعود اتصل عليها واكلمها واقولها انا ابيج
عاااادى
ولا اخلى شى بقلبى طول عمرى اشوف واتحسر
ويييه هذه نهايتها .. ماكو تكمله
وبعين جان سالها يمكن ما تبيه
قبل لا يقول حق امه
سعود تحرك قبل لا تروح منك يمكن تبيك
الكاظماوي
اذا هي مقسومه له بتصير لها حيث ان المولف القلوب بالسماء مو بالارض
والله اقوى يا نصيبي وانا اشبيدي
بتنطرنا وايد
مشارى..ماتهقه السالفة صعبة ..؟؟
سمايل ..لووووووووول
شفيج يبا مو انا سعود والله :)
ياام الحفيز والله حكم صدقتى كل شى قسمة ونصيب :)
نور البلوق
عتيجة لوووووووووووووول
ههههااااهه
يبا بسج تقليد..طلعى طلعة بروحج..:)
بعدين ليش خليتيه فلم هندى الله يهداج
:)
اذا صدق ما عنده سالفة الحين بنت خاله مادري عمه وهالكثر يسوي تحقيقات عنها لين راحت حتى كونان ما سوي هالكثر تحقيقات وشايفنها وعارفنها وطووول السالفة وبعدين مسوي عمره انصدم في الحب الله يعين ما يكتئب اخاف اللا الاخ اللى كتب القصة صاحب القصة
وعلى قولة الشاميين يضرب الحب شو بيزل معليش ما اعتقد الحب وصل لمستوي روميو يعنى يشوف حد من بنات الخالة او العم الباقيات اكيد بيلاقي وحدة ثانية والشباب ما اسرعهم ينسون حبهم الاول والثاني والثالث وهلم جرا
اخخخخ .. ماحب القصص العاطفيه وخاصه الصجيه .. تنتهي ابجذي
لول ليش صدمه انت
الحقيقه مره :((
إرسال تعليق