شنو ودك لما تزور مدونتى ..؟؟

قوة يالغالين

شلونكم

شخباركم

حلوا المجلس

حلتهم بطونهم هالنواب

اذونا..والحين الله يعينا على الهذرة

والكلك

والقرقة الفاضية

شهرين

كلها دندرة وغثا ولوعة جبد مال الواحد يهج من الديرة ما يرجع الا بعد الانتخابات..

المهم شلونكم مرة ثانية

لوول

ماكوشغل

لا جد جد

مثل ماواعدتكم من شهرين

لووول

اللللاااه شهالوعد الى مولى

كتبت استبيان شوفوه على اليسار ماعليكم امر

شنو ودكم لما تدشون مدونتى

طبعا الاجابات تنوعت

بين هيك وهيك

ناس مزاجها حلو وناس لايعة جبدها وناس نص ونص

وحبيت احلل الاستبيان من ناحية نفسية

وعلى قولة د فوز..كلما قربت المخدة كلما زادت المودة

لووووووووول

من وين مطلعه هالمثل ماادرى

الاخت فى زمن السندباد والا ايام الغوص

يالله الحجى ببلاش...

المهم مرة ثانية

هذة اجوبتكم الحلوة الخفيفة على قلبى الصغير

وهذا تعليقى على الاجابات..والله اعلم..

اولا ....الى جابوا ودهم يعرفون اسمى الكامل وعددهم 6 مدونين

هذيل بنات ساكنين بالعاصمة

وشباب يحبون السياسة

وفى الغالب البنات مو متزوجين والشباب موظفين..

ثانيا الى جاوبوا يبون يشوفون صورتى الشخصية احم احم 14 جواب

كلهم بنات طبعا فيهم متزوجين يبون يشيكون لا يكون انا ريلهم من وراهم فاتح المدونة

والعزابيات فيهم بلاغة شف بيصدقون كويتى مزيون والا كلكجى..اذا مزيون يكملون معاى بالمدونة واذا جيكر بيفلون مرة وحدة لوووووووووول

ثالثا حالتى الاجتماعية جوابين بس وهذيل الله يسلمكم وحدة بالثانوية ماتعرف شنو تجاوب جان تختار هالجواب والثانية عمرها فوق الثلاثين تقول يمكن تصيب ونصيد هالكظماوى الهايت بالنت لووووووووووول

رابعا اسكر مدونتى ابرك هذيل اربعة جابوا عقب موضوع هل امرنا الاسلام بهذا الضرب والتعذيب ..؟؟ للاسف ماكو حرية ولا قبول للراى الاخر ولا يحبون النقاش الموضوعى فقالوا اسكر مدونتى لكن هيهات وهيهات ان شاء الله باقية المدونة على خير مدام انتوا يالغاليين موجودين معاى

خامسا الى يعزمونى على ستار بوكس المارينا هذيل اربع واحد منهم شاب متفائل بحياته لوووول

والثلاث الباجين بنات هم اكثر بنات خفة دم يمرون على مدونتى

وماشبعوا من الضحك يبون يقزرونها موكا وكركرة لووووووول

سادسا يبون اعرف شنو ادرس وعددهم 13 الصراحة ماعندهم سالفة شهالملاقة الحين كل هالاجوبة تبون اعرف شنو ادرس هذيل فئة منهم تنتخب الائتلافية بالجامعة وفئة ثانية يدرسون بالتربية وفئة ثالثة مجاوبين بالغلط كان بيحطون الاجابة الى فوق وحطو هذة والفئة الرابعة يدرسون بالعلوم الادارية وودهم انى ادرس معاهم لوووووووووول

طبعا فى اجابات محد اختارها فما راح اعلق عليها

المهم شكرا لمشاركتكم جميعا وان شاء الله يكون تعليقى وتفسيرى صحيح او مقارب للصحة واتمنى من الجميع ان يقول ان كان تحليلى مضبوط او اى حاجة بس رجااااء رجااااء رجااااء

بدون صواريخ خاصة من الى خبرى ..تسلموننن ولا تخلون شاركوا فى الاستبيان الجديد

نشوفكم على خير

كظماوى ومزيون