مساء الخيرات والنيرات
شلونكم ويا الجو الحلو
غيم ومطر وبراد
الحمدلله يارب تزيده وترحم عبيده ..
***
المهم عنوان الموضوع( اضغط علي العنوان لتقرأه ) قريته اليوم بالجريدة
دراسة بريطانية تقول
ان الرومنسية تقل بين الزوجين بعد
سنتين وستة اشهر و25 يوما
للاسف نسوا يكتبون وجم ساعة لزوم الدقة
بس ما عليه
..
ودى اسال اخوانا المتزوجين والمتزوجات
الرجال منهم والنساءات
لوول حلو ةالنساءات هذة هااه
جم تدوم الرومنسية بينكم يامتزوجين
اول شى شنو الرومنسية
هل المقصود الحب المطلق
او اظهار العواطف
او التغزل بين الزوجين
او اشياء ثانية اتركها لفهمكم جميعا
انا ساعات اذا كنت بالسوق اشوف رومنسيين وايد
البنت ماسكة ريلها من زنده
ماادرى تخاف ينحاش منها
او يبوقه احد
او يمكن بردانه تبى تتدفى
وساعات اشوف زوج وزوجة
يطالعون بعض بنظرات
اعتقد لو يحصل حق كل واحد فيهم
جان يكفخ الثانى باكبر ماعنده
لاحول ولا قوة الا بالله
...
انزين بالبيت شلون العلاقة بين الازواج
انا اتوقع اذا صار الزوج وزوجته بروحهم بالبيت
وتوهم متزوجين
وماكو عيال
وناسه حده
ضحك وغشمرة
وهيصة وزنبليطة
وسهر لى تالى الليل
اتخيل الرومنسية بينهم
يتهابدون بالمخدة فى الصالة
او يلعبون جنجفة
اونو مثلا
او اذا هم متخلفين شوية
الباشة الخايسة
مع ان الباشة الخايسة لازم اكثر من اثنين
بس عادى
يمكن الرومنسية مثلا
يدلدغها
او اذا صار دفش
يعطيها كوع على جنبها
ماادرى عاد البنات شنو الرومنسية عندهم مع الرياييل
تلبد ورا الباب تخرعه قبل لايدخل الدار مثلا
او تطفى عليه ليت الحمام وهو داخله..
افكار رومنسية عادية يعنى مو ابداعية وايد
المهم
اذا تزوجتوا مستقبلا
او اذا كنتوا متزوجين حاليا
ديروا بالكم
ترى الرومنسية حدها الى قلت لكم
سنتين ونص وجم يوم
وبعدها
طنطططاااان
عندكم حريمكم ورياييلكم
طقوهم طق ترى عادى
شوتوهم
عضضوهم
ترى هذا الوضع يصير باحسن العوايل فى بريطانيا
وسلامتكم وتعيشون
المشاركات
هناك ٣٩ تعليقًا:
الجوووووووووو يهبل و انا مستانسه فيه واااااااااااااااااااااااااااااايد
و يا الله يا رب يرزقنا المطر و يزيده و يعطينا الخير كله
البوست موجهه للمتزوجيين فانا خارج الحسبه
!!
سنتين رومانسية ؟؟
جنه وايد !!
مساء الخير
مساء الجو الحلو والمطره اللي ترد الروح:)
اهم شي تفسيرك انته للرومانسيه
اونو
وطق كوع
يا حسرتنا
هههههههههههههههه
انا يايبه استكانتي وقاعده على كتر انطر التعليقات
بس مممم
اشوفك تسئل
واشلون ما اشلون
وجنه وناسه
هاااا بشر؟
:pP~
ترا خواتك ونفرح لك
الله يغربل بليسك علي هالبوست
ضحكتني :)))))))
منين تييب هالسوااالف
يعني انت اذا تزوجت بعد سنتين اطيح فيها طق وعض الله يقطع سوالفك
ليش تشيش الراييل علي الحريم
بروحهم مو ناقصين
لو علي السنتين زين حلوين
الله يسلمك الحين من اول اسبوع من الزواج يتزاعلون ويتكافخون وجك بوم
منفصلين ...صايره موضه
المهم اشرايك انت تجرب حظك وتقولنا تجربتك ...بس هاااا
لا تجذب
خوش بوست حلو :))
انا من قريت هالسوالف هذي اللي بموضوعك
و المواضيع اللي قبل
و انا حاس انك ناوي او عليك ضغوطت
علشان تنضم لقائمة الناس العاديين
اللي اهم احنا المتزوجون
يوبا هذا شيئ لا مفر منه
شكلك بترفع الراية بدري يالزميل
عمي
السالفه باختصار
توافيق
لا رومانسية و لا بطيخ
انت شنو طبعك و شنو مودك و شنو الظروف اهني تتمحور طبيعة حياتك الزوجية و طبعا بمساعدة بنت الحلال
ها خلاص متى نسمع الخبر
انك صرت انسان عادي حالك حال المتزوجين الوايد يعني مو متمييز
متفرجه
:)
بس الي مسوي الدراسه متفرغ حاسبها بالايام و الاشهر
داركنيس عليج بالعافية يالغالية :)
انزين ليش خارج الحسبة جاوبى من الى تشوفينه من معارفج :)
بس مسموحة وعلى راحتج
متفائل سنتين وايد لووووووول
هذا وانت متفائل..لو انت متشائم جان جم تقول :)*)
استكانة هلا وغلا والله يالزين كله...وعسى استكانتج ام نقيطة ترى احبها موووت :)*)
@#@
صبا
لوووووووول
لا ماراح اجذب..
بس ماادرى ليش انتوا ماخذين فكرة بالاجماع انى عزوبى ..منويقول انى عزوبى ..&*&
لووووووووول
بس تقولين مايطولون اسبوع ول ول ول لا يحوووشك
شنو متزوج مهاوشجية والا مصارعة :::**
هلا ابو وليد ..بييييه ترى كلنا عادييين من زمان مافينا زود بس مشكلتك انت التواضع الزايد
لووووووووووووووووووول
الخيلاء...
على قولتهم يعجبنى حياؤك
لووول
لوووووووووول
احلى انواع الرومانسيه الاونو
و الجنجفه :P
و الله ياخوي اللي اشوفه ان بهالوقت و عندنا بالكويت سنتين وايد كلش كلش حدهم 6 شهور عقبها نأعد قمب الحيطه
و نسمع الزيطه :s
عاد العلم عند الله اهو البلا في شبابنا و بناتنا و لا البلا في رومانسيتهم !!
البوست حلو اوي :)))
@@
انا أقول الرومانسيه حدها بو شهر هذي فترة الخطبه بعدين بو اسبوعين هذي بعد الزواج وسلامتك وتعيش ;q
اول شي كل الي ذكرته من حب واظهار عواطف وتغزل بين زوجين وأشياء ثانيه رومانسيه :) والهيصه والزنبليطه والسهر لي تالي الليل لازم اصلا ويلا مو وناسه العلاقه اتسير .. بس طبعا بدون كوع على جنب لووول .. ومثل ماقال اخوي enter-q8 على طبه الانسان اذا دمه ثقيل ياويلي ويذا غشمرجي ودمه خفيف وطبعه رومانسي هذا احلا شي وهني اتدوم الرومانسيه أكثر من السنتين و
و6 اشهر و25 يوم .
بس اشدعوه ماتحجيت عن روحك .. بس تبي اتعرف احنا شنو :) لووول .
على طبه الانسان = على طبع الانسان
بدليه بسيطه ماعليه:)
لوووووووووووووووول
حسبي الله على ابليسك يا كظماوي
عيل الرومانسية يتهابدون بالمخدة فى الصالةاو يلعبون جنجفةاونو ولا ايدلدغهااو اذا صار دفش يعطيها كوع على جنبها!!!!
و هي تلبد ورا الباب تخرعه قبل لايدخل الدار مثلااو تطفى عليه ليت الحمام وهو داخله
لوووووووووووووووول
لوووووووووووووووووول
انا اقول لو يلعبون مصارعه أحسن
ههههههههههههههه
شوف ألا الدراسة قالت تقل الرومانسية ما قالت تنعدم موليه.. هذا عندهم ببريطانيا
بس عندنا اذا كان في رومانسية أساسا مو الرومانسية اللي تقول عنها هذه ياما سويناها مع اخواننا و احنا يهال (كان تخصصي اطفي الليتات على اللي بالحمام) هههههههههه
اممم الرومانسية
يعني يدزلها مسج حلو من غير مناسبة
يدخل عليها بوردة (مو لازم بوكيه عشان لا تقولون مصاريف) ههههه
يكنسل طلعة الشاليه عشان يقعد وياها
يتمشون على البحر رايحين و رادين و وناسه و موسيقى و برااااااااد
يوديها بدر البدور و يتعشون سندويشات لبنه و بطاط مع شاي حليب (لوووول جنه هذه غير عن الباجي داشه عرض) هههههه
كويت حدج متشائمة لووووووووول
هذا وانتى غشمرجية وكلكجية جذى مالج خلق الرومنسية لو نكدية شتقولين
لووول
وقعة هلا بالزين كله :)
لووووول ماابى اتحجى عن روحى اعرف نفسى بعد شقول عنها:)*)
انا ابى اعرف عنكم ماابى اعرف عن نفسى..حافظها صم لوووووول
يا ام طبه لوووووول
بربليشيوسسس لوووووووووول
هلا فيج والله اى عيل شلون تبين الريال والحرمة مجابلين بعض ويسولفون بس لازم فى اكشن واثارة وحركات بالبيت لوووووووووووووووووووووووووول
:)
اثاريج تطفين الليتات على اليهال هااااا...*&*
والله انج نجرية مو هينة لووووووووول
شوفى كل الى قلتيه حلو بس سالفة اكنسل طلعة الشاليه علشانها هذة مستحييييييللللللل
والمستحيل الثانى اكنسل كرة القدم سابع المستحيلات
لووووووووول
اهلين كظماوي
الله يهداك الرومانسية عندنا على المزاج
اذا كان الزوج رومانسي والزوجة لك عليها الله يعين الزوج
واما اذا كان العكس فالله يعين الزوجة
اما اذا تلاقوا وكل واحد عايش الدور
فالله يهنيهم
تحياتي
انا الرومانسيه عندي غيييير
سهر على فلم وينسدحون بالارض ويتلحفون
وبنص الفلم المليق يلعب بشعرها
واهي تقوله فلاااااان بس عاااااااااااااااااااااااااااااااااد
واهو يبدا يكمشها :)
وتقوله ترا اقوملك
ويزييييييييد
وتقوم وتصك هوشه
اهي تكفخه
واهو يكمشها
اهي تعضه
اهو يشيلها وتصرخ نززززززززززلني
وفجاه يقلبها ويشيلها من ريلها
:):):):)
ويحذفها على اقرب قنفه
وتقوم تلحقه
وينحاش
واهي تنحاش واهي تلحقه
لما ينهد حيلهم ويخمدون
:):):):)
سؤال موجه لك على وجه الخصوص
p;
بالاستفتااااااء ليش كل الكلمات مذكر
الا كريكره مؤنث ؟؟؟
:)
وصادوه
الله يديم هالجو الحلو علينا
وبالنسبه للمقال المكتوب فيمكن ليش لأ
وموقاهرني الا 25 يوما شمعنه ليش مو 22 يوم
وبعدين تعال قمة الرومانسيه التكفخ مويقولون ومن الحب ماقتل وضرب الحبيب زي اكل الزبيب
يبه
دام كله نجره بنجره عيل خلوناكده احسن بكتييير
شوف اشكاتب اسمي بعدين تطنز على بدليتي يابوبدليات:) لووووووول
ساخر كويتى هلا ومسهلا نور البلوق :)
يعنى انت تشوف انه فيجال تتحسن الرومنسية بينهم ..
شكلك متفائل شوى :)
شلالات لووووووووول
يعنى انتى معاى الرومنسية العنيفة الدفشة لوووووووووول
***
اما سؤالج الثانى فامتنع عن الاجابة ..ياكريكرة لوووووووووول
هلا بالكندرية وغلا :)
ضرب الحبيب لايحوشك لا حبيب ولا زبيب الى يضربك اضربه :)
وقعة لووووووووووووول
لوووووووول
حمدى ربج يامعودة
وقعة احسن من
وجعة :)*&*)
لووووووووووووول
انا مصره وابي اجابه مقنعه
p;
الللللللللله انت رجعت هيااااااااااا
طبعا ما تذكرني
و بصراحة ولا انا لووووووول
بس اليوم كنت اتصفح بلوقي القديم وشفت تعليقاتك موجودة عندي وتذكرتك
جان اتذكر انك وقفت عن الكتابة مدة بس قلت خل اجرب يمكن تكون رجعت
وطلعت صج رجعت
لوووووووول
المهم ولكم باك
طبعا نسيت اعلق عالموضوع
وتعليقي هو ان الرومنسية بالنسبة لي اهي ان الزوجة لما تشوف زوجها زعلان او تعبان تنطم وتسكت وتبند الحنة شوي على ما يهدى
او اذا كان متهاوش مع اخته او امه ما تشيشه زيادة ولا تطحن فوق راسه علبو تطلع حرتها فيهم
الرومنسية ان الزوجة اذا احتاج زوجها فلوس تعطيه بدون ما تبشر امها واختها وخالتها وعمتها وبيت جيرانهم ولا تنطر ان يردهم لها
الرومنسية ان الزوج اذا شاف زوجته حايسة مع اليهال وصراخها شايل وكشتها طايرة يلبس هدومه ويطلع بدون اي تعليق ولما يرجع يكون ييايب معاه شغلة حلوة حقها حتى لو عصير كوكتيل اللي تحبه
او ان الزوج اذا مرته اشتكتله من امه او اخته يوقف معاها بس بموضوعية ويفهمها شوي شوي ان امه مرة كبيرة ولازم تتحملها وان اخته مخها امصين وهم لازم تتحملها
الرومنسية ان الزوج حتى لو كان طالع من الصبح لي الليل اول ما يوصل البيت يروح يطل على زوجته ويبتسم ابويهها وما يروح سيدة يحط راسه وينام ولا جنه في احد ينطره
الرومنسية وايد اشياء ومسكة الزند جدام الناس في الاسوقة هذا تمثيل وتلاقي الزوجة تبي تحر باجي البنات اللي بالسوق
ادري طولت بس كان ممكن اني اطول اكثر :)
الجو خيااااااااال
وهذي الدراسه عندهم ببريطانيا مو عندنا بالخليج العربي ..
هذا زين اذا بدت الرومانسيه بدايه الزواج
تنتهي مع عقد الزواج ساعات احنا ايام الملجه نهبل طايرين فوق السحاب وبعدين اللهم ياكافي ..
الاخوه الاعداء
والشطار الي يخلونها تطوم اكثر من سنتين و6 شهور و25 يوم
ماقصروا مابقى الا يحطون الساعه جم واي يوم بالاسبوع
يمكن يموتون قبل خخخخ استغفر الله ياربي
والتوفيق من الله مالنا شغل بخرابيطهم هذول
والله كل من عقله براسه الي يحب حياته هاديه ورومانسيه يعرف شلون والي يبي يقلبها يعرف بعد
والله يوفق الجميع
شلالات لوووووووول
يالمصرة انتى
تبين الصراحة عاد
من غير لف ولا دوران
ولا كلك ولا زوغان
والحقران يقطع المصران
لوووووووووووووول
اى شى على نفس الوزن يعنى :)*&*)
المهم
انا كتبت كريكرة لان كان فى وحدة ببالى راح تختار هالجواب والسلام ختام "&"
شاتر بوكس هلا وغلا شلون انساج لا والله ذاكرج زين يالغالية...:)
سالت عنج العافية وماقصرتى
واما شرحج للرومنسية فوافى وشافى ..وفعلا يبتيها علىالجرح
واهم شى انه يقول حق مرته ان اختخ مخها مصين
لوووووووووووووول
الله يغربل ابلسيج شنو مصين عاد هذى الرضيعة ماارضى عليها :)*&*)
شاتر بوكس
ادرى انج مستانسة ليش دشيتى بلوقى مرة ثانية
بس عاد مو جذى
تعيدين البوست عشرتعش مرة
لوووووووووووووول
اضحك وياج يبا كتبى الف مرة ومرة
عابرة اهلين وسهلين وكلامج مية المية العقل اهم شى ..بس شرهتج على الى يتزوجون وهم عقولهم فى ركبهم..
او ماعندهم عقول بالمرة شتهببين فيهم
لوووووووووول
هذي حوبة حماتي طلع مخي انا للي امصين
شاتر بوكس
لووووووووووووول
اى ديرى بالج كل شى الا خالتج عاد مانرضى عليها حوبنها حووووبة لوووووووول
إرسال تعليق