قوة يا الغاليين شلونكم
البارحة رحت المارينا
عاد انا مو عادتى اروح السبت او اليمعة بالليل
اكره الزحمة واللوية هناك..
صليناالعشا بالمارينا وبعدين رحنا مطعم لانتر
احب هالمطعم
اروح له العادة بالشهر مرتين..
مرة الى بالفنار
ومرة الى بالمارينا
رحت الى على مرة البحر وماعجبتنى القعدة وحتى الخدمة الى هناك ...
بالمارينا تشوف احدث مخلفات البشر فى الكويت
تشوف العقد على اصولهم
وتشوف اخر موديلات البنات وخبالهم
فرجة ببلاش يعنى ...
طلبت وجبة هامورمع ربيان مشوى
وعصيرى المفضل اسمه هولا هولا
هههههههههه
هو اسمه جذى لكن فظيع موز وشمام ومنجة..
قعدنا ساعة زمان بالمطعم..بعدين تمشيت ورحت الفيرجن..
احب اتمشى فى هالمعرض...
اخر مرة شريت كتاب حق الدكتور المزيدى
حلو وخوش كتاب خفيف ولطيف على قولتهم
طبعا لبس الاوادم فى المارينا يزعج النظر
ساعات احس عينى تعورنى من لبس الشباب والبنات
قصات الشعرحدث واشبع من الحرج...
ماا حب اوصف شنو لابسين بس ملابس حقيقة
استغرب شلون البنية او حتى الولد يطلع من بيتهم بهاللبس
شنقول الله يهديهم ياى رمضان ويحسون بروحهم شوى
...
المهم تعشينا وتمشينا ووسعوا صدورنا شوى
وردينا البيت
وسلامتكم وتعيشون
ومبارك عليكم الشهر مقدما
المشاركات
هناك ١٦ تعليقًا:
loool 7ilwa 3yoony t3awerny min libs il banat o il shabab,tara 9ij wayed gamaw yma95oonha ! ily 9ij firja ib balash 3ala gooltik ib avenues, ashkaaaaal fa'6eee3a
المره لما تقول ودني المارينا اقولها اوكي بس الصبح بالليل لا
لأن بالليل المارينا تصير من الظواهر الدخيله
وانا بطبعي حار
فاليش اقعد احرق بنفسي
علينا وعليك :)
البنلتهاليومين مع الشباب ينو وقعدو .. مو عارفين شسوون وشهولون ابروحهم .. خاصه المتحجبات ينرفزوووووووني .. اتنرفز اذا شفتها لابسه بلوزه قصيره ويلا الشعر ثلاث ارباعه طاله والبنطرون الي مادري اشلون دش عليها .. ليش متحجبه .. والله يخربون صوره الحجاب .. حرام عليهم .. يعني شنو الوناسه اذا واحد لحقهم .. يموووتووون من الوناسه .. مايفكرون انهم قاعدين يسترخصون روحهم ابهالطريقه !!!! والا فيني حجي وايد ابهالموضوع بس خن اسكت احسن .. لأن اذا بطلت حلجي ماراح اسكره لأن موضوع وظاهره اتحر الواحد .
بس عصير ( هولا هولا ) من اسمه خطييير :) شوقتني فيه .. بس المطعم اول مره اسمه عنه .. انت تقصد ( لونوتغ ) - فرنسي ؟؟؟
البنلتهااليومين = البنات هاليومين
( خطأ مطبعي )
طاله = طالع :) ( وايضا خطأ مطبعي ثاني )
عادي انا ابكبري بدليه :)
هههههههه
انا قلت الحين باقرا ماسك واحد و مطورقه ولا زاف لك وحدة من مخلفات البشر ..متوقع اكشن بيني و بينك
عليك بالعافية و مبارك عليك الشهر
كويتية عسل اى والله اشكال فظييعة حدهااا:)
ونورتى المدونة
ابو وليد لووووووووول
:)
سلامات روحك يااخوك دير بالك لا تحرق عمرك ÷÷÷لووووووووول
هلا بقوقعة شربى الهولا هولا وقولى لى عنه :)
اى نعم اهو نفس المطعم الى قلتى عنه ..يصير يم ستاربكس :)
اى حجاب تقولين عنه والله الحجاب بصوببب وهم بصوبب الله يستر عليهن :)(
هلا بمتفائل لا يامعود مافينى حيل لا هواش ولا مكافخ انا واحد امشى تحت الساس لا اغلط على الناس ولا ابى احد يغلط على :)
Ma a7eb akel bel Malls madry leesh
and Marina sucks ! kel el malls 9ayreen ay shy ! loooya 3al fa'9i .. 7adayeq mo eswega !
لانوتر البحررررررررررررر من صجك
احببببببه
انا عكسك اذا صار زحمه وايد ما اعرف آكل
اتنرفز !!
انا فيني عقده من الزحمه !!؟
المهم
الله يونسكم بالعافيه
aaaakh welaht 3el leq8 o 3agad.ha :P
كات نورتى المدونة :)
وانا اعرف ناس بعد مايحبون ياكلون بره ..اطباع عادى "&"&
شلالات اى والله ماحبيت مال البحر..:)
يمكن ليش رحت له مرة وطان زحمة حددده لوع جبدى :)
اليوم رحت شربت عصير هولا هولا
مووووووو طبيعي وايد عجبني
وكان حده بااااااااااااارد
يا سلام
:)
شلالات :)
عليج بالعافية شراييج ..
إرسال تعليق