اوربا ايام كامينغ

ان شاء الله سفرتى هالسنة حق بلاد الافرنجة

...كل شى اوكى...التذاكر..السكن فندق اربع نجوم مو خمس نجوم...

الطيارة دايركت اهم شى ماكو ترانزيت..

استقبال الفندق بالمطار يعنى ماكو لوية ودور تكسى يوديك وينصب عليك بالسعر...

صرفت فلوس بالدولار واليورو..

معاى بطاقات الفيزا...

شريت بنطلونات وتى شيرتات وقمصان ...تكرمون حتى جوتى خذيت

الجنطة اصلية من مركز سلطان باثنين وثلاثين دينارعيال الذين

ثقيلة قبل لا احط اغراضى ..

بس يقولون سمسونايت ما تنكسر لو تطيح من العمارة

ماادرى جنى رايح حرب مو سفر..

الفيزا اوكى عندى فيزا لندن من سنتين الحمدلله

اهم شى الجو الحلو والتمشى والسوقة والقهاوى وراحة البال..

انا احب اروح بعد الاماكن التاريخية استمتع فيها..

حبايبى اسلم عليكم سلام جثير جثير

ديروا بالكم على الكويت

لا تحلون المجلس وانا مسافر نطرونى

وهالله هالله بالغبار..ترى لونه قدساوى لا تزعلون منه

قولوا الحمدلله الغبار مو خضر جان كلونا العيم

الى يبى صوغه يقلب ويهه ترى انا رايح استانس مو رايح اشرى لكم اغراض وهدايا

بروحكم محد عطانى هدية من ثلاث سنين وانا فاتح مدونتى على الطل

ماعندى الا عتوج اناجرها وتانجرنى

لا وهى بعد كل ست اشهر تكتب مرة

بعدين تحوشها الكابة وتغط ست اشهر ثانية

يعنى الحين اقولكم عتيجة راح تكتب شهر رمضان الياى

مع السلامة

ونشوفكم على خير بشهر سبعة

بيباااى

كظماوى وكويتى ومزيون ومسافر وان شاء الله مستانس

لحد ينضلنى عاد

اعرفكم بعضكم عيونهم وعيونهن حاااااارة

اه منهن

واخيرا خلصنا امتحانات

واخيرا خلصت امتحاناتى هالكورس..الدوام كان ثقيل حده لاعت جبدىىى...

ومحاضراتى كان وقتها باييخ لا وكملت بدكاترة اثنين مليقين ..

الحمدلله والله يستر من النتايج..مادة طلعت كانت بى ماينس الدكتور الفطحل

يقول راح يسوى كيرف عسى الكيرف الى يلفه فوق تحت..

قهرنى يفرق بينا ناس وناس لكن جدامنا اصير محترم ويتكلم عن العدالة

ياعمى اى عدالة اى بطيخ..بس مااقول الا حسبى الله عليك اذا كنت ظالمنا

او فرقت بينا بدون حق يادكتوربوبزمة..

المادة الثانية دكتورها كان سبيل الى يداوم يداوم والى مايداوم سلامات..

والى يبط جبدى ان اذا سالناه سؤال مايجاوب يطالعنا ويضحك

ماادرى شواذى جدامك ماادرى اهبل والا يستهبل...

طبعا الطلبة والطالبات شى منهم زينين وخوش شباب وبنات وشى منهم ترللى ..

بس الظليمة شينة البنات الى معانا بالمحاضرات كانوا اركد واذكى من الشباب خمستعش مرة..

اما معانا جم واحد بالمادة الاولى والله دنابك ماادرى شلون خلصوا الثانوية...

واذا صار فى نقاش يعنى الاخوان فاهمين سامعين كلمتين بالداونية ويعيدونها علينا ..

يلاا الحمدلله المهم خلصنا وان شاء الله نرتاح لى بعد رمضان

زين الجامعة طلع منهم شى مفيد ان خلو الدوام بعد رمضان

والله يوف قالجميع

كظماوى وكويتى ومزيون..